Leigh-Anne Pinnock ka rrëmbyer vëmendjen e publikut me paraqitjen e saj më të fundit në Festivalin “Lazydays”, ku performoi plot energji ndërsa tregoi me krenari barkun e saj të rrumbullakosur të shtatzënisë.
Ish-anëtarja e grupit Little Mix, 34 vjeçe, u ngjit në skenë në Southend-on-Sea, Essex, duke dëshmuar se shtatzënia nuk e ka penguar aspak të dhurojë një performancë dinamike për fansat.
Për këtë paraqitje, këngëtarja kishte zgjedhur një veshje plot ngjyra, të përbërë nga një bluzë e shkurtër e thurur me vija dhe pantallona të shkurtra ngjyrë bezhë, duke vënë në pah barkun e saj të rritur.
Pamjen e kompletoi me flokët e errët të kapur bisht dhe një grim të guximshëm, ku binin në sy hijet jeshile të syve.
Gjatë koncertit, Leigh-Anne nuk kurseu as koreografitë e saj karakteristike, duke interpretuar me të njëjtin ritëm dhe energji që e kanë bërë të dashur për publikun.
Vetëm pak javë më parë, artistja ndau lajmin se është në pritje të fëmijës së tretë me bashkëshortin e saj, futbollistin Andre Gray.
Ajo e bëri publik njoftimin përmes një videoje të postuar në rrjetet sociale, ku shfaqej duke punuar në studio muzikore.
Ndërsa mbaron një kapitull, fillon një tjetër
-shkroi këngëtarja krahas videos, duke konfirmuar shtatzëninë.
Leigh-Anne dhe Andre Gray janë tashmë prindër të vajzave binjake, të lindura në gusht të vitit 2021. Çifti kurorëzoi dashurinë me martesë në qershor të vitit 2023.
Pas ndarjes së lajmit të bukur, urimet nuk munguan as nga ish-shoqet e saj të grupit Little Mix, Jade Thirlwall dhe Perrie Edwards, të cilat shprehën gëzimin për zgjerimin e familjes së artistes.
Në intervista të mëparshme, Leigh-Anne ka folur hapur edhe për sfidat që ka kaluar në marrëdhënien me Andre Gray, duke zbuluar se çifti kishte përjetuar një periudhë të vështirë pas një krize besimi.
Megjithatë, ajo ka treguar se partneri i saj ishte i gatshëm të reflektonte dhe të ndryshonte, ndërsa të dy punuan së bashku për të rindërtuar marrëdhënien, e cila sot duket më e fortë se kurrë.
