Leigh-Anne Pinnock ka mahnitur ndjekësit me disa fotografi të reja në rrjetet sociale, ku shfaqet duke ekspozuar me krenari barkun e rrumbullakosur të shtatzënisë.
Ish-këngëtarja e grupit Little Mix dhe bashkëshorti i saj, futbollisti Andre Gray, po përgatiten të mirëpresin fëmijën e tyre të tretë.
Në imazhet e publikuara në Instagram, artistja 34-vjeçare pozon me një bluzë të bardhë që zbulon barkun, të kombinuar me xhinse të zbërthyera, taka elegante, një shami në kokë dhe bizhuteri, duke tërhequr menjëherë vëmendjen e fansave.
Thjesht më pëlqeu shumë kjo pamje
-shkroi ajo krahas fotografive, të cilat morën mijëra pëlqime dhe komente.
Leigh-Anne konfirmoi shtatzëninë në fillim të këtij muaji përmes një videoje të realizuar në studio muzikore.
Në atë postim, ajo shkroi:
Ndërsa një kapitull mbyllet, një tjetër fillon
-duke zbuluar se familja e saj do të zgjerohet së shpejti.
Këngëtarja dhe Andre Gray janë prindër të vajzave binjake, të lindura në vitin 2021, ndërsa u martuan në qershor të vitit 2023.
Lajmi për shtatzëninë u prit me entuziazëm edhe nga ish-shoqet e saj të grupit, Jade Thirlwall dhe Perrie Edwards, të cilat e uruan publikisht në komentet e postimit.
Në të kaluarën, Leigh-Anne ka folur hapur për periudhat e vështira që ka kaluar në marrëdhënien me bashkëshortin, duke pranuar se humbja e besimit kishte vënë në provë martesën e tyre.
Megjithatë, çifti duket se ka lënë pas sfidat dhe tashmë po shijon një nga momentet më të bukura, ndërsa pret ardhjen në jetë të anëtarit më të ri të familjes.
