Leonardo DiCaprio dhe partnerja e tij, modelja italiane Vittoria Ceretti, janë fotografuar gjatë një mbrëmjeje romantike në Saint-Tropez, duke vazhduar të tërheqin vëmendjen me paraqitjet e tyre të rralla publike.
Aktori fitues i çmimit Oscar, 51 vjeç, dhe Ceretti, 28 vjeçe, u panë teksa darkonin në restorantin luksoz Cherry, i vendosur në portin e qytetit francez dhe i njohur për kombinimin e kuzhinës italiane me frymën moderne të Nju Jorkut. Gjatë mbrëmjes, dyshja vizitoi edhe restorantin e njohur Caviar Kaspia.
Besnik stilit të tij diskret, DiCaprio u përpoq të qëndronte larg vëmendjes duke zgjedhur një veshje të thjeshtë, të përbërë nga një xhaketë e zezë bomber, kapele bejsbolli dhe maskë në fytyrë.
Ndërkohë, Vittoria Ceretti tërhoqi vëmendjen me elegancën e saj, e veshur me një fustan të shkurtër ngjyrë jeshile të çelët, me mëngë të gjata dhe jakë të lartë, duke kompletuar një pamje verore dhe të rafinuar.
Leonardo DiCaprio dhe modelja italiane janë në një lidhje që prej vitit 2023. Thashethemet për romancën e tyre nisën gjatë verës së atij viti, pasi u panë disa herë së bashku në Los Angeles dhe Ibiza, ndërsa më vonë e konfirmuan lidhjen me paraqitje të shumta publike.
Marrëdhënia me Cerettin ka tërhequr vëmendje edhe për një tjetër arsye. Për vite me radhë, në rrjetet sociale kanë qarkulluar komente dhe shaka lidhur me pretendimin se DiCaprio nuk krijon lidhje me partnere mbi moshën 25 vjeç. Fakti që Vittoria është 28 vjeçe ka bërë që shumë fansa të komentojnë se aktori duket se ka “thyer” këtë stereotip.
Para se të lidhej me Cerettin, DiCaprio ishte për disa vite në një marrëdhënie me modelen dhe aktoren Camila Morrone, ndërsa më herët ka pasur romanca edhe me modelen daneze Nina Agdal.
Nga ana tjetër, Vittoria Ceretti ka qenë e martuar me DJ-n italian Matteo Milleri. Martesa e tyre zgjati nga viti 2020 deri në vitin 2023, përpara se modelja të niste lidhjen me yllin e Hollywood-it.
Edhe pse zgjedhin ta mbajnë jetën private larg vëmendjes mediatike, Leonardo DiCaprio dhe Vittoria Ceretti vazhdojnë të jenë një nga çiftet më tëkomentuara të showbiz-it ndërkombëtar.
