I ftuar në “Live From Tirana” me Ronaldo Sharkën, ka qenë Elton Tozaj, për të komentuar mbi ngjarjet në “Big Brother VIP 4”. Si i komenton ai disa nga situatat e fundit e ndodhura në shtëpi?
Si e sheh rikthimin e Eglit në “Big Brother VIP”?
Unë nuk isha dakord që të rikthehej Egli. Kemi qenë bashkë këtu në studio ku unë kam thënë që ajo patjetër duhet të dalë. Madje i kam dërguar dhe një mesazh në Instagram, pavarësisht se tani më ka bërë block dhe nuk e mora vesh se pse. E këshilloja familjen që të komunikonte me produksionin dhe të kërkonte ndihmë se si ajo të dilte nga ajo shtëpi, sepse u bë shumë e shëmtuar në atë që bënte. Kur isha në Top Channel e pashë rastësisht nëpër korridore, të shkatërruar. Por nuk ma mori mendja kurrë se do të rikthehej. Mbase fama është shumë e rëndësishme për të dhe për familjen e saj.
Nuk më duket mirë. Mua Egli më duket e shtirur, është e sforcuar. Unë kam përshtypjen që kjo situatë po i bën më keq se sa i ka bërë. Nëse deri dje natën flinte, fërkohej, puthej, dashuroheshin, bënin dhe seks – megjithëse ata nuk e thonë, por thonë që i kanë bërë të gjitha – tani nuk bëjnë asgjë, tani as nuk flenë bashkë. Nuk është kështu jeta. Nuk ndryshon dot njeriu brenda 9 ditësh, ato ndjenjat nuk hiqen me gomë.
