Meta Platforms i ka dërguar një letër Prokurorit të Përgjithshëm të Kalifornisë, Rob Bonta, duke i kërkuar atij të bllokojë një lëvizje që do të lejonte OpenAi të bëhej fitimprurës. Letra e Meta Platforms drejtuar Prokurorit të Përgjithshëm, Rob Bonta, e raportuar fillimisht nga Wall Street Journal, pason një urdhër të dorëzuar nga Elon Musk në fund të nëntorit që kërkon gjithashtu të bllokojë OpenAI që të bëhet një firmë fitimprurëse.
Meta pretendon në letrën e saj se OpenAI ka arritur të mbledhë miliarda dollarë nga investitorët si pjesë e misionit të saj origjinal jofitimprurës dhe tani dëshiron të ndryshojë statusin e saj duke ruajtur të gjitha përfitimet që e lejuan të arrijë statusin që ka sot. “OpenAI nuk duhet të lejohet të shkelë ligjin duke marrë dhe ripërvetësuar asetet që ka ndërtuar për bamirësi dhe duke i përdorur ato për përfitime potencialisht masive private”-thuhet në dokument. Letra gjithashtu i bën thirrje Prokurorit të Përgjithshëm të rishikojë praktikat e kaluara të OpenAI si një organizatë jofitimprurëse.
Meta njoftoi këtë javë se ka hequr mbi dy milionë llogari të lidhura me qendrat e mashtrimit në Myanmar, Laos, Kamboxhia, Emiratet e Bashkuara Arabe dhe Filipine. Kompania tha se po ndjek organizatat kriminale që po përdorin skema për të mashtruar njerëzit në mbarë botën përmes mesazheve, për t’i bindur ata të investojnë në diçka nën pretendime të rreme. Meta ka bashkëpunuar me organet e zbatimit të ligjit.
Për ata që nuk janë të vetëdijshëm, ky mashtrim ka të bëjë me ndërtimin e marrëdhënieve personale të besueshme në internet me dikë, vetëm për t’i manipuluar ata të depozitojnë para dhe përfundimisht për t’i humbur ato. Për të krijuar besim me viktimën, këto mashtrime shpesh e lejojnë objektivin të tërheqë shuma të vogla parash, por sapo të fillojë të kërkojë kthimin e “investimit” të tyre ose bëhet e qartë se nuk kanë më shumë para, mashtruesit zhduken. Këto mashtrime u shfaqën për herë të parë gjatë pandemisë COVID-19, veçanërisht në rajonin e Azisë dhe Paqësorit.
