Presidenti francez Emmanuel Macron është përballur me një situatë të pakëndshme gjatë një vizite zyrtare në Vietnam, kur bashkëshortja e tij, Brigitte Macron, e shtyu papritur në fytyrë në çastin që po zbrisnin nga avioni presidencial.
Momenti është kapur nga kamerat dhe ka bërë xhiron e rrjeteve sociale, duke shkaktuar reagime të shumta.
Sipas gazetës britanike “The Express”, një lexues buzësh ka interpretuar fjalët e çiftit, duke zbuluar detaje të tensionuara nga debati i tyre, i cili mendohet të ketë ndodhur brenda avionit përpara zbritjes.
Brigitte thuhet se i është drejtuar presidentit me fjalët:
Largohu, o humbës
Ndërsa ai përpiqej ta qetësonte atmosferën me:
Të lutem, le ta provojmë
Ai tentoi të ruante qetësinë me një buzëqeshje të detyruar dhe përshëndeti me dorë, për të shmangur vëmendjen nga incidenti.
Në vazhdim, teksa zbrisnin shkallët e avionit, Macron i ofroi krahun bashkëshortes së tij, por ajo e refuzoi dhe u mbështet në kangjellat anësore, duke e injoruar publikisht.
Në fund të shkëmbimit, presidenti u dëgjua të thoshte me qetësi:
E kuptoj.
Ndonëse nuk ka ende një reagim zyrtar nga Pallati Elize për incidentin, momenti ka ndezur spekulime mbi tensionet në marrëdhënien e çiftit presidencial francez, pikërisht në prag të një vizite të rëndësishme diplomatike në Azinë Juglindore.
