Prej pak kohësh në median online është përfolur për një krizë martesore mes çiftit të reperave Loredana dhe Mozzik.
Aludimet nisën nga rrjetet sociale ku çdo ditë e më pak ata po shfaqeshin me njëri-tjetrin. Edhe gjatë ditëlindjes së Loredanës, Mozzik nuk u pa gjëkundi në asnjë nga postimet e bashkëshortes së tij duke bërë fansat të dyshojnë se ata nuk janë më bashkë.
Pas gjithë këtyre spekulimeve, reperi i “2 Euro Gang” më në fund ka reaguar duke zbuluar se si qëndron e vërteta. Në Insta Story, Mozzik ka mbështetur bashkëshorten e tij duke promovuar projektin e saj më të ri muzikor ndërsa më vonë ka postuar edhe një foto ku shfaqen bashkë në prapaskenën e xhirimit të klipit.
Mesa duket gjithçka mes tyre po shkon për mrekulli ndërkohë që reperi i tha fund spekulimeve në media.
