Një familje amerikane është ribashkuar me macen e tyre që ishte zhdukur shtatë vite më parë, duke e gjetur 4.023 kilometra larg shtëpisë. Amber Davidson dhe fëmijët e saj e adoptuan macen e tyre, Dodger, në vitin 2016 nga një strehë në Clovis të Kalifornisë. Dy vjet më vonë, në vitin 2018, ndërsa familja po përgatitej të zhvendosej në Bregun Lindor të Shteteve të Bashkuara, Dodger u zhduk, duke lënë pas një boshllëk të madh.
Macja duhej të udhëtonte me një mik, i cili kishte qenë përgjegjës për transportimin e tij, por kafsha shtëpiake u zhduk para se të ndodhte udhëtimi. Kohët e fundit, megjithatë, ndodhi diçka krejtësisht e papritur. Davidson mori një mesazh ku thuhej se macja ishte gjetur dhe regjistruar nga Fresno TNR, një organizatë që punon për të kontrolluar popullatën e maceve endacake në zonën e Fresnos.
Macja u gjet në Madera të Kalifornisë dhe u çua për t’u sterilizuar, por veterinerët zbuluan se ai ishte kastruar tashmë dhe kishte një mikroçip. Pasi skanuan mikroçipin, vullnetarët gjetën informacionin e familjes dhe zbuluan se tani ata jetonin rreth 4000 km larg, në shtetin e Xhorxhias. Sydney Sherman, një anëtare e organizatës, kontaktoi familjen dhe ofroi të transportonte Dodger, pasi ajo po udhëtonte për në Florida për një martesë. Kështu, u organizua ribashkimi, me Davidson dhe fëmijët e saj që udhëtuan shtatë orë me makinë për të takuar macen e tyre për herë të parë pas shtatë vitesh.
Rikujtojmë se një mace e gjetur si endacake në Missouri u dërgua në kontrollin e kafshëve dhe u skanua nga një mikroçip, gjë që zbuloi se ajo ishte një kafshë shtëpiake e zhdukur për 11 muaj. Kontrolli i Kafshëve Raymore tha në mediat sociale se oficerët morën një mace endacake të raportuar nga një qytetar i shqetësuar në Raymore. “Njihuni me Harriet; ajo ishte e mikroçipuar dhe kishte qenë e zhdukur për 11 muaj. Për shkak se informacioni i mikroçipit të saj ishte i azhurnuar, ne ishim në gjendje të kontaktonim familjen e saj dhe ta ribashkonim atë me ta”, thuhet në postim.
