Një mace e gjetur si endacake në Missouri u dërgua në kontrollin e kafshëve dhe u skanua nga një mikroçip, gjë që zbuloi se ajo ishte një kafshë shtëpiake e zhdukur për 11 muaj. Kontrolli i Kafshëve Raymore tha në mediat sociale se oficerët morën një mace endacake të raportuar nga një qytetar i shqetësuar në Raymore. “Njihuni me Harriet; ajo ishte e mikroçipuar dhe kishte qenë e zhdukur për 11 muaj. Për shkak se informacioni i mikroçipit të saj ishte i azhurnuar, ne ishim në gjendje të kontaktonim familjen e saj dhe ta ribashkonim atë me ta”, thuhet në postim.
Zyrtarët shkruan se ribashkimi i Harriet me pronarët e saj shërben si një kujtesë për rëndësinë e vendosjes së mikroçipit në kafshët shtëpiake dhe mbajtjes së informacionit të azhurnuar. “Një çip i thjeshtë mund të bëjë gjithë ndryshimin në sjelljen e një kafshe shtëpiake të humbur në shtëpi, edhe pas një kohe të gjatë larg”, u tha ndër tjera në postim.
Një kompani teknologjike japoneze me emrin Qnote Inc. në Tokio ka gjetur një mënyrë unike për të reduktuar stresin në vendin e punës duke “punësuar” mace. Sipas South China Morning Post, kompania adoptoi macen e saj të parë në vitin 2004 dhe me kalimin e kohës u zgjerua, derisa sot 11 mace jetojnë me kohë të plotë në zyrë. Punonjësit thonë se macet ndihmojnë në përmirësimin e moralit, nxisin pushime më të shpeshta dhe krijojnë një atmosferë më të qetë.
Economic Times shpjegon se çdo mace ka tituj pune argëtues, si nëpunës zyre, menaxher apo auditor, duke i bërë pjesë të kulturës së kompanisë dhe jo thjesht maskota. Prania e maceve është bërë aq qendrore në ambientin e punës, saqë dashuria për macet përmendet edhe si kërkesë për kandidatët njerëzorë për punë.
