Në vetëm disa ditë nga rikthimi i tij në Zyrën Ovale, Donald Trump ka nënshkruar mbi 200 urdhra ekzekutivë, duke thyer rekorde që në javën e tij të parë si president. Pas inaugurimit të tij të hënën, më 20 janar, pamjet e Trump-it duke firmosur një numër të madh dokumentesh janë bërë virale.
Ndërsa disa urdhra, si ai i titulluar “Mbrojtja e grave nga ekstremizmi i ideologjisë gjinore dhe rivendosja e së vërtetës biologjike në qeverinë federale,” kanë ngjallur debate të ashpra, vëmendje ka tërhequr edhe vetë firma e Trump.
I famshëm për përdorimin e stilolapsit Sharpie, firma e tij është e dallueshme për shkak të vijave të trasha dhe të çrregullta. Një përdorues i rrjeteve sociale komentoi: “Firma e Trump duket po aq e çrregullt sa mendimi i tij. Nuk është çudi që ky njeri duket kaq i paqëndrueshëm.”
Të tjerë e krahasuan firmën me logo të muzikës metal, grafikë sizmike apo një grafik aksionesh me performancë të dobët. Një përdorues i Twitter-it tha:
“Firma e Trump duket si një grafik sizmografik. Një tërmet i madh po ndodh.” Dikush tjetër e përshkroi atë si një grafik të një detektori gënjeshtrash.
President Donald J. Trump’s signature looks like a seismic chart. A good shake-up is happening. pic.twitter.com/gNLNAcPePr
— Katie Christine Rhodes (@LivingRoom98028) November 14, 2024
Ndërkohë, një tjetër debat është hapur nga një Republikan i përkushtuar, Andy Ogles, i cili ka sugjeruar ndryshimin e Amendamentit të 22-të. Ai propozon që Trump të lejohet të kandidojë për një mandat të tretë, duke argumentuar se i duhen të paktën 10 vite për të korrigjuar “abuzimet e vazhdueshme” të administratës Biden.
