Presidenti ukrainas Volodymyr Zelensky tha se bisedimet e paqes me Rusinë kanë nevojë për “një vrull më të madh”, duke shtuar se i ka kërkuar kreut të ri të Këshillit të Sigurisë dhe Mbrojtjes Kombëtare, Rustem Umerov, që ta “intensifikojë” procesin.
“Zbatimi i marrëveshjeve nga takimi i dytë në Stamboll është duke u zhvilluar”, shkroi ai në X, duke iu referuar bisedimeve të fundit midis palëve në Turqi në fillim të këtij viti.
“Ky proces ka nevojë për më shumë vrull”, tha presidenti ukrainas.
Presidenti ukrainas shtoi se e kishte caktuar Umerovin, të punonte për marrëveshjet e mbrojtjes me aleatët e Kievit.
Presidenti rus Vladimir Putin “nuk është gati për kompromise” për t’i dhënë fund luftës së tij brutale, tha Presidenti ukrainas Volodymyr Zelensky për New York Post në një intervistë ekskluzive të mërkurën.
Ai shtoi se Presidenti Trump ka fuqinë ta gjunjëzojë atë duke përshpejtuar sanksionet e ashpra që mund të shkaktojnë një “shpërthim social” në Rusi.
“Ai duhet ta ndiejë këtë”, tha Zelensky.
Udhëheqësi tha se ishte “shumë mirënjohës” që Trump mbështet sanksionet, duke iu referuar njoftimit të presidentit të hënën se do të vendoste tarifa 100% për vendet që blejnë naftë ruse nëse Moska nuk bie dakord për një marrëveshje paqeje.
Volodymyr Zelensky thotë se ai dhe presidenti amerikan, Donald Trump po shqyrtojnë një marrëveshje të madhe për dronët, e cila do të kishte ndikim të rëndësishëm në bashkëpunimin ushtarak mes dy vendeve.
