Dikur ishte një nga yjet e Anglisë dhe një nga futbollistët me premtues britanikë. Por në moshën 29-vjeçare, Dele Alli po bëhet gati që të varë këpucët në gozhdë si një dështim i madh dhe një potencial i shkuar dëm.
LEXO EDHE: Dëmtohet Messi, ylli argjentinas e mbyll ndeshjen për 7 minuta!
Alli kishte shkëlqyer me fanellën e Totenhemit dhe të Anglisë që në moshë të re, por dëmtimet e pastaj një rënie forme e dukshme për shkak të ngjarjeve jashtë fushës së lojës, sollën edhe “zhdukjen” e tij nga skenat e rëndësishme. Një pjesëz e një bisede të Zhoze Murinjos me lojtarin, kur portugezi drejtonte Totenhemin, u bë virale në rrjetet sociale asokohe.
Portugezi i kërkonte që të jepte maksimumin që të mos kishte pengje për karrierën e tij, duke i lënë të kuptonte se po digjte një talent të jashtëzakonshëm. Dhe profecia e trajnerit duket se po bëhet realitet.
Pas largimit nga Totenhemi, Alli kaloi Evertoni, më pas te Beshiktashi e së fundmi iu bashkua Komos, i ftuar personalisht nga Çesk Fabregas i cili po mundohej të ringjallte karrierën e mesfushorit ofensiv. Por me Komon luajti vetëm 10 minuta kundër Milanit, i ndëshkuar me karton të kuq që në debutimin e tij, Ajo ishte hera e fundit që u pa në fushë, me Komon që tashmë ka hequr dorë prej tij dhe me vetë Fabregas që raportohet se i ka komunikuar se nuk është më pjesë e planeve të klubit.
Mediat britanike dhe ato italiane bëjnë të ditur se në këtë situatë, Dele Alli po mendon largimin nga futbolli i luajtur, edhe pse në moshën 29-vjeçare, duke mbyllur një karrierë që mund të kishte qenë shumë më ndryshe.
