Kryetari i Partisë Demokratike, Sali Berisha, ka akuzuar Kryeministrin Edi Rama se është i rrethuar nga skandale, duke përmendur dy çështje të nxehta të cilat sipas tij që po i rëndojnë qeverinë: dosjen e McGonigal dhe laptopin e Engjëll Agaçit.
Sipas Berishës, Rama po përpiqet të fshehë provat dhe të manipulojë situatën për të larguar përgjegjësinë, duke e lidhur gjithçka me figura të dyshimta.
LEXO EDHE: Berisha: Është krijuar një frymë optimizmi, vendosmërie dhe besimi, që nuk është parë që nga viti 1991
Ai shtoi se dosja e McGonigal do të dëmtojë rëndë Edi Ramën, pavarësisht përpjekjeve për të shpëtuar.
“Tani Edi Rama është në qark, është në rreth të kuq.
Laptopi i Engjëll Agaçit po bëhet si laptopi i Hunter Biden.
Po, e ka zhdukur Agaçin. Se Agaçit i kanë kapur laptopin.
Dhe laptopi flet dhe do flasë pafundësisht.
Dhe Edi Rama nuk ia thotë këtë, mendon se do kalojë çështjen e laptopit duke vënë në arrati Agaçin apo duke e shtruar në spitale.
E vërteta është se ajo që shihni ju, ai shfazim, ato sulme të paprecedenta të një pushteti ndaj pushtetit tjetër, janë të lidhura kryekëput me personin e Edi Ramës.
E ka kapur frika dhe tmerri i dy dosjeve.
Dosja e McGonigalit dhe laptopi i Engjëll Agaçit.
Dosja McGonigal është aktualizuar. Ju jeni dëshmitarë. Në mediat amerikane, McGonigali është kthyer si çështje kryesore.
Po aty, për çudi, aty nuk po flitet më për McGonigal-Deripaska po flitet për McGonigal-Edi Rama.
Është shumë e veçantë dmth. Se McGonigal ka pasur dy dosje. Njërën Deripaska për të cilën është dënuar në Nju Jork, njërën Edi Rama për të cilën është dënuar në Uashington.
Tani del në skenë dosja e Uashingtonit. Dosja e Uashingtonit është dosja më e rëndë, e cila është më flagrante, ku një kryeministër i korrupton një vendi kryesor partner, kryezbuluesin e Nju Jorkut. Ai që është kryezbuluesi i Nju Jorkut është kryezbuluesi kryesor i SHBA se aty janë të gjithë epiqendrat.
E korrupton për ta angazhuar kundër opozitës shqiptare.
Është dosja më e zezë në çdo aspekt dhe unë u garantoj ju se asaj dosje, të bëjë ç’të dojë, të shesë Surrelin dhe çdo pasuri që ka, asaj dosje nuk i shpëton dot.
E ka kuptuar këtë sepse e mbrojti gjer tani Spaku i tij, tani nuk e mbron më.
Tani është një drejtësi tjetër e fuqishme e vendosur të hetojë krime të mëdha si kjo”, tha ai.
Të turpshme, e cilësoi kryedemokrati Sali Berisha mbledhjen e sotme të Grupit Parlamentar të Partisë Socialiste, ku u dëgjua rektori i Universitetit Bujqësor, Fatbardh Sallaku.
“Sallaku u fut në strofullën e hajdutëve”, tha Berisha, duke iu referuar disa ministrave të mazhorancës.
“A e kupton që u fute në strofullën e hajdutëve. Kujt i qahesh. Të gjithë këta janë të përfunduar, janë të marrë fund. Mos të kujtojnë se mund të kryejnë dhe veprimin më të vogël me mbështetjen e opozitës. Paralajmëroj Ramën se nëse tenton të rrethojë institucionet, Surreli do i rrethohet.
Por, të shndërrosh grupin parlamentar në rifuxhio të hajdutëve, e tregoi sot veten me seancën që dëgjoi… imagjinoni ju hajdutët më të mëdhenj të bëhen gjykatës. Ishte seanca më e turpshme, më tragjikomike në histori”.
