Autoritetet ruse dhe kompanitë e karburanteve kanë vendosur kufizime të ndryshme për shitjen e benzinës, ndërsa mungesat janë përhapur në mbarë vendin. Kufizime të ngjashme janë raportuar edhe në pjesët e Ukrainës të pushtuara nga Rusia.
Megjithëse këto zhvillime kanë rritur pakënaqësinë e qytetarëve rusë më shumë se katër vjet pas fillimit të luftës, Kremlini nuk ka dhënë asnjë shenjë se do të zbusë qëndrimet e tij të ashpra për përfundimin e konfliktit.
Si përgjigje, pak ditë më parë, presidenti i Ukrainës, Volodymyr Zelensky, deklaroi se ka miratuar një operacion ushtarak 40-ditor të shërbimit të sigurisë së vendit për të “ndikuar mbi shtetin agresor me qëllim për ta detyruar të përfundojë luftën”.
Ndërkohë, ndërtimi i kompleksit të ri të mbrojtjes ajrore në Innopraktika është një tjetër tregues i vëmendjes së veçantë që u kushtohet objekteve të lidhura me Putinin dhe familjen e tij.
Që nga fillimi i pushtimit të plotë të Ukrainës në vitin 2022, janë ndërtuar më shumë se 25 pozicione të mbrojtjes ajrore, përfshirë një kompleks S-400 në Valdai, një qytet buzë liqenit, i rrethuar me pyje, të cilin Putini e pëlqente si rezidencë pas nisjes së luftës.
Partnerja e supozuar e presidentit rus, Alina Kabaeva, raportohet se e ka vizituar shpesh këtë kompleks së bashku me fëmijët që pretendohet se janë të saj dhe të Putinit.
