Shërbimet e Komisariatit Nr. 3 në Tiranë arrestuan në flagrancë një 22-vjeçar, i dyshuar se u prezantua si punonjës policie pas ndalimit të automjetit me të cilin lëvizte.
I riu, i identifikuar si shtetasi Emilio Jani, paraqiti një dokument që nuk i përkiste Policisë së Shtetit, duke ngritur dyshime për përdorim të paligjshëm të identitetit zyrtar.
Pas ndalimit, gjatë kontrollit të ushtruar në banesën e tij, policia sekuestroi fishekë të kalibrave të ndryshëm, një sasi të konsiderueshme parash, si dhe dy medalione me mbishkrimin “Albanian State Police”.
Materialet procedurale i janë referuar Prokurorisë për veprime të mëtejshme, ndërsa hetimet vijojnë për të sqaruar rrethanat e plota të rastit dhe burimin e sendeve të sekuestruara.
