Sulmuesi i Mançester Sitit, Erling Haland i ka uruar mirëseardhjen në ekip Xhianluixhit Donaruma.
Teksa ka publikuar një foto ku të dy përqafohen me njëri-tjetrin, norvegjezi shkruan: “Mirë se erdhe Xhixhio”!
Rikujtojmë që kapiteni i Italisë nënshkroi një kontratë pesëvjeçare me “Qytetarët” deri në verën e vitit 2030. Gjatë një karriere të jashtëzakonshme, italiani ka fituar reputacionin si një nga portierët më të mirë në Evropë.
Erling Haaland ka arritur një tjetër moment historik në karrierën e tij të jashtëzakonshme, duke shënuar golin e 300-të në fitoren e thellë 5-2 të Manchester City ndaj Juventusit në Kupën e Botës për Klube.
Statistikat flasin vetë: Haaland ka shënuar 123 gola për Manchester Cityn, 86 për Borussia Dortmundin, 29 për Salzburgun, 20 për Molden dhe 42 gola për Norvegjinë në vetëm 43 ndeshje. Në total, ai ka arritur kuotën e 300 golave në vetëm 370 ndeshje zyrtare – shumë më shpejt se emra legjendarë si Lionel Messi (418 ndeshje) dhe Cristiano Ronaldo (554 ndeshje). Madje, edhe Kylian Mbappé kishte nevojë për 409 ndeshje për të kapur këtë shifër.
