Vitet e Angelina Jolie-s janë shënuar nga vështirësi personale dhe ligjore, por aktorja tani pranon se më në fund ndihet më e fortë dhe më e qetë. Në një intervistë të rrallë e të sinqertë, ajo reflektoi mbi divorcin, mëmësinë dhe vendimet që i formësuan jetën. Aktorja Angelina Jolie më në fund ka folur hapur për periudhën pas divorcit nga Brad Pitt, duke theksuar se po gjen përsëri forcën dhe ekuilibrin pas gjithë këtyre viteve. Një nga çiftet më të njohura të Hollywood-it u nda në vitin 2016, dhe divorci u finalizua më në fund në vitin 2024 pas një procesi të gjatë gjyqësor në lidhje me kujdestarinë dhe pronën.
Në një intervistë me Variety, rreth filmit “Couture”, Jolie pranoi se një periudhë e vështirë ka kaluar pas.
“Mendoj se shpirti im luftarak më në fund është rikthyer. E humba për një kohë”, tha ajo, duke shtuar se ishin fëmijët e saj ata që e mbështetën më shumë.
“Fëmijët e mi janë pothuajse të gjithë të rritur, kështu që tani duan që unë të udhëtoj nëpër botë, duan që unë të dal, të bëj gjëra. Ata më njohin më mirë se kushdo dhe ende më duan, gjë që thotë shumë”, theksoi ajo.
Fituesja e çmimit Oscar zbuloi gjithashtu se në një moment kishte planifikuar të hiqte dorë nga aktrimi dhe t’i përkushtohej regjisë dhe nismave humanitare. Megjithatë, rrethanat e çuan në një vendim tjetër.
“Papritmas, e vetmja mënyrë për të qëndruar më shumë në shtëpi, për të qenë larg për një kohë të shkurtër ose për të fituar mjaftueshëm para, ishte të kthehesha te aktrimi”, shpjegoi Jolie për Variety.
Në vitet e fundit të karrierës së saj, ajo ka zgjedhur projekte që i lejojnë të kalojë më shumë kohë me fëmijët e saj, dhe tani, ndërsa ata janë më të rritur, ajo ndien përsëri më shumë liri në zgjedhjen e roleve. Angelina dhe Brad kanë gjashtë fëmijë, Maddox, Pax, Zahara, Shiloh, si dhe binjakët Knox dhe Vivienne. Pothuajse të gjithë fëmijët ndaluan së përdoruri mbiemrin Pitt në publik, ndërsa disa prej tyre paraqitën kërkesa zyrtare për të ndryshuar mbiemrin e tyre.
