“Udhëtimet po bëhen gjithnjë e më të shtrenjta në Europë dhe shumë nga destinacionet e njohura në Greqi, Spanjë dhe Itali janë prekur nga turizmi masiv e çmimet kanë vazhduar të rriten”, shkruan Sophie Dickinson në një artikull të botuar në të përditshmen britanike “Time Out”.
Nëse buxheti juaj është shtrënguar këtë vit, ekzistojnë ende shumë vende që ofrojnë pushime me kosto të përballueshme. Këto destinacione më pak të njohura, nuk janë të mbipopulluara me turistë dhe fluturimet atje ofrohen me çmime shumë më të lira. Në listën tonë të destinacioneve, ne kemi renditur 14 qytetet më të lira dhe më të mira për t’u vizituar në Europë këtë vit.
Tirana, Shqipëri
Vija e bukur bregdetare e Shqipërisë është shndërruar në destinacionin më të kërkuar gjatë dy viteve të fundit, si një alternativë buxhetore ndaj Greqisë, Spanjës dhe Italisë. Gjatë vizitës tuaj në Shqipëri nuk duhet të humbisni kryeqytetin e vendit, veçanërisht nëse po kërkoni një pushim buxhetor në qytet.
Tirana është e zhytur në historinë e epokës komuniste: Bunk’art 1, një bunker i Luftës së Ftohtë i kthyer në muze dhe një nga atraksionet më të njohura të qytetit kushton vetëm 4 paund për ta vizituar. Ndërsa shumë ndërtesa tradicionale që atëherë iu janë nënshtruar ndryshimeve të gjalla në formën e artit të rrugës.
Gjithashtu, Tirana ofron restorante të shkëlqyera, që shërbejnë pjata dhe kokteje të shkëlqyera, me çmime të përshtatshme. Qytetet më të lira dhe më të mira për t’u vizituar në Europë këtë vit:
1.Tiranë, Shqipëri
2. Kaunas, Lituani
3. Porto, Portugali
4. Zagreb, Kroaci
5. Riga, Letoni
6. Cesky Krumlov, Republika Çeke
7. Bukuresht, Rumani
8. Hull, BM
9. Sofje, Bullgari
10. Argos, Greqi
11. Krakov, Poloni
12. Beograd, Serbi
13. Marsalforn, Maltë
14. Graz, Austri
