Qindra studentë të Harvardit protestuar, pas vendimit të Donald Trump për të ndërprerë të gjitha kontratat që qeveria federale ka me universitetin prestigjioz.
Presidenti amerikan ka nisur një sulm të ashpër ndaj Harvardit.
Masa më e fundit e njoftuar dje nga administrata Trump ishte t’u kërkonte autoriteteve federale të hartonin një listë të kontratave që kanë nënshkruar me Harvardin dhe të informonin “nëse ato mund të anulohen ose të ridrejtohen diku tjetër”. Sipas shtypit amerikan, shuma totale e këtyre kontratave arrin në 100 milionë dollarë.
“Trump = tradhtar”, shkruhej në një nga pankartat që mbanin protestuesit, mes thirrjeve studentët e huaj, të cilët republikani dëshiron t’i pengojë të studiojnë në universitetet amerikane me arsyetimin se disa vijnë nga vende “që nuk janë aspak miqësore me SHBA-në”.
Megjithatë, një gjyqtar federal në Massachusetts pezulloi përkohësisht anulimin e certifikimit të Sistemit të Informacionit për Studentët dhe Vizitorët e Shkëmbimit (SEVIS) të Harvardit për vitin akademik 2025-26, i cili ishte kërkuar nga Sekretarja e Sigurisë Kombëtare të SHBA-së, Christie Noem.
Administrata e presidentit amerikan, Donald Trump pezullon përkohësisht caktimin e takimeve për viza studentore në ambasadat amerikane, duke përgatitur edhe një rritje të kontrollit të rrjeteve sociale për aplikantët. Sipas një memorandumi të dërguar në postat diplomatike, sekretari i Shtetit, Marco Rubio, njoftoi se pezullimi do të zgjasë “deri në udhëzime të mëtejshme”.
Ky vendim ka të bëjë me shqetësimet e administratës për ndikimin e mundshëm të universiteteve të majta në politikën amerikane dhe për akuzat për antisemitizëm në kampuset universitare.
Përveç kësaj, Departamenti i Shtetit po përgatit një “zgjerim të kontrollit të mediave sociale” për të gjithë aplikantët për viza studentore dhe ato për shkëmbim kulturor. Ky proces mund të ketë “pasoja të rëndësishme” për ambasadat dhe konsullatat, sipas dokumenteve të siguruara nga CBS News.
