Kompanitë turke të mbrojtjes ‘Mesan Electronics’ dhe ‘Esetron’ kanë zhvilluar së bashku një robot pa pilot të projektuar për të zbuluar mina dhe pajisje shpërthyese të improvizuara (IED), të cilin e prezantuan në Panairin Ndërkombëtar të Industrisë së Mbrojtjes (IDEF 2025) në Stamboll. Duke vepruar në mënyrë autonome ose nga distanca, roboti kombinon teknologjitë e përparuara të sensorëve të kompanisë ‘Mesan Electronics’ dhe platformën kompakte dhe të qëndrueshme të robotit të kompanisë ‘Esetron’ për të zbuluar mina anti-personel dhe anti-tankt, IED, kabllo, tela shkrehës dhe linja shkrehëse.
Koka e skanimit mund të ndërrohet sipas nevojave operacionale, duke u lejuar forcave të sigurisë të kryejnë operacione efektive zbulimi në zona të rrezikshme dhe me më pak mundësi për të shkaktuar viktima. Sistemi u zhvillua për t’u përdorur në operacione përtej kufirit, në përpjekjet kundër terrorizmit, në pastrimin e minave dhe në sigurimin e perimetrit të posteve ushtarake.
Roboti i lehtë ka një dizajn modular dhe mund të transportohet nga një person i vetëm dhe të përshtatet shpejt për t’u përdorur në lloje të ndryshme misionesh. Vendet afrikane, të Lindjes së Mesme dhe të Ballkanit kanë treguar kërkesë të fortë për produktin, duke zbuluar potencialin e tij të eksportit. Dërgesat e para të sistemit robotik janë planifikuar të bëhen për njësitë turke të sigurisë këtë vit.
Amazon do të testojë robotët në skenarë shpërndarjeje në botën reale në “parkun humanoid” të saj në San Francisko, duke përdorur një pistë të përbashkët pengesash të brendshme. Amazon po përgatitet të testojë robotët humanoidë për shpërndarjen e pakove, me qëllim automatizimin e hapit të fundit në zinxhirin e saj logjistik. Ndërtimi i “parkut humanoid” është drejt përfundimit dhe do të jetë një pistë pengesash e krijuar, në njërën nga zyrat e kompanisë në San Francisko. Testimi i robotëve do të fillojë së shpejti.
