Robotët që ngjajnë me qentë nuk janë më një koncept. Një robot i tillë, i quajtur Lynx, është krijuar nga kompania kineze Deep Robotics dhe ka ngritur shumë shqetësime dhe habi nëpër rrjetet sociale. Lynx është një robot me katër rrota që mund të lëvizë, ngjitë dhe madje të bëjë kërcime së prapthi, duke përshkuar çdo lloj terreni, nga shkëmbinjtë te bora. Ky robot mund të përdoret për operacione shpëtimi, pasi ka një mundësi të shkëlqyer për të hyrë në zona të paarritshme dhe për të ndihmuar në kërkimet e personave të humbur. Sipas Deep Robotics, Lynx ka një dizajn kompakt dhe të fuqishëm, me aftësi për t’u përshtatur në terrene të ndryshme.
Qentë robotë, të zhvilluar nga vende dhe kompani të ndryshme, po fitojnë me shpejtësi popullaritet. Lëvizjet e tyre realiste dhe dizajni i tyre i përparuar kanë magjepsur njerëzit në mbarë botën, veçanërisht ndërsa videot e tyre shpërndahen me të madhe në rrjete sociale. Një video virale e kohëve të fundit e një qendre tregtare në Teksas e solli këtë realitet futuristik edhe më afër. Një përdorues i TikTok nga San Antonio ndau një video në faqen “San Antonio Lifestyle”, duke treguar dikë që shëtiste rastësisht një qen robot me zinxhir brenda Qendrës Tregtare Rivercenter.
View this post on Instagram
Duke e përshkruar momentin si “të frikshëm”, përdoruesi ngjalli si kuriozitet ashtu edhe debat rreth pranisë në rritje të robotikës në jetën e përditshme. “Nuk e kishim parë kurrë më parë, dhe përshtypja jonë e parë ishte mosbesim”-tha përdoruesi.
