Ylli i muzikës, Shakira, mori pjesë në ceremoninë e ndarjes së çmimeve “MTV Video Music Awards” në New Jersey dhe i mahniti të gjithë me performancën e saj. Këngëtarja e famshme kolumbiane doli në skenë me energji dhe me disa lëvizje atraktive kërcimi, performancë kjo që u pëlqye dhe u duartrokit nga publiku.
Performanca e plotë është publikuar edhe në “Youtube dhe brenda dy ditësh ka kaluar shifrën prej 10 milionë shikimesh. Komentues të shumtë i kanë dhënë komplimente pafund Shakiras duke e cilësuar ndër interpretimet më të mira në histori të “MTV Video Music Awards”.
Çmimet MTV Video Music Awards 2023 u prezantuan të martën. Taylor Swift udhëhoqi paketën me gjithsej 9 nominime, duke përfshirë artistin e vitit, videon e vitit dhe këngën e vitit për këngën e saj hit të vitit 2022 “Anti-Hero”. Ajo fitoi të gjitha kategoritë në të cilat u nominua që u transmetuan në televizion.
Rikujtojmë se, Beyoncé, Doja, Karol G, Minaj dhe Shakira iu bashkuan Swift-it si të nominuar për artistin e vitit, duke shënuar herën e parë që nga prezantimi i kategorisë në vitin 2017 që të gjithë të nominuarit për artistët e vitit janë gra. Shakira mori çmimin Video Vanguard Award. Nata mirëpriti gjithashtu kategorinë e re Afrobeats më të mirë. Demi Lovato, Shakira, Olivia Rodrigo, Cardi B me Megan Thee Stallion, Diddy, Lil Wayne, Doja Cat dhe Fall Out Boy, ndër të tjera, të gjithë performuan gjatë ceremonisë.
