Bashkëshortja e këngëtarit Ne-Yo, Crystal Renay ndau së fundmi një deklaratë përmes Instagramit, ku akuzoi burrin e saj se e tradhtoi atë me shumë gra të tjera gjatë marrëdhënies së tyre gati 10-vjeçare.
8 vjet gënjeshtra dhe zhgënjime. 8 vjet ndarje të pavetëdijshme të jetës dhe burrit tim me shumë gra që ia shesin trupin e tyre të pambrojtura… secila prej tyre! Të thuash se jam zemërthyer dhe e neveritur është një nënvlerësim. Të më kërkosh të qëndroj dhe ta pranoj është absolutisht çmenduri. Mentaliteti i një narcisisti. Unë nuk do ta gënjej më publikun apo të pretendoj se kjo është diçka që nuk është. Unë zgjedh veten, unë zgjedh lumturinë, shëndetin dhe respektin tim. Kam fituar 3 fëmijë të bukur nga kjo, por asgjë tjetër përveç viteve të humbura dhe dhimbje zemre.
Modelja ka tre fëmijë me këngëtarin 42-vjeçar, djemtë Shaffer Chimere, 6 vjeç, Roman Alexander-Raj, 4 vjeç, si dhe vajzën 13 muajshe, Isabella Rose.
Nëse dikush nuk mund të të dojë ashtu siç e meriton, atëherë varet nga ty të duash veten. Pa asnjë urrejtje në zemrën time, nuk i uroj atij asgjë vetëm më të mirën.
Ndërkaq, Ne-Yo iu përgjigj postimit të Renay përmes Twitter duke shkruar se:
Për hir të fëmijëve tanë, familja ime dhe unë do të punojmë me sfidat tona pas dyerve të mbyllura. Çështjet personale nuk janë të destinuara për t’u trajtuar dhe analizuar në forume publike. Unë thjesht kërkoj që ju të respektoni mua dhe privatësinë e familjes sime në këtë moment.
Ish partnerja e yllit të R&B, Monyetta Shaw, me të cilën ai ka dy fëmijë 11 dhe 10 vjeç pohoi në një shkrim të ‘New York Post’ të vitit 2016 se ajo e mësoi për lidhjen e tij me Renay në vitin 2014, një vit pasi ai u nda me Shaw përmes telefonit. Këngëtari i propozoi Renay-t në vitin 2015 dhe të dy u martuan pak më pak se një vit më vonë, kohë në të cilën ajo ishte gati 9 muajshe shtatzënë me fëmijën e tyre të parë. Çifti u nda për një kohë të shkurtër në vitin 2020 përpara se të rimartoheshin në vitin 2022, duke organizuar një ceremoni luksoze në Las Vegas për të festuar ribashkimin e tyre.
