Aktorja e njohur Charlize Theron është ende duke u përballur me traumën psikologjike nga nata kur nëna e saj, Gerda Maritz, qëlloi dhe vrau babain e saj aktor. Në një intervistë të re për revistën Town & Country, aktorja e “Monster” tregoi se si ai moment i veçantë e shtyu atë të angazhohej për të luftuar dhunën ndaj grave.
Është një korrelacion i thjeshtë që duhet bërë. Por unë mendoj se është shumë më e ndërlikuar sesa të kesh një natë traume në jetën tënde. Me ose pa të, dhuna me bazë gjinore është kaq e dukshme në Afrikën e Jugut dhe globalisht. Është e vështirë të mos jesh i vetëdijshëm për këto gjëra vetëm sepse je grua.
Në qershor të vitit 1991, babai i yllit të “Mad Max: Fury Road”, Charles, kërcënoi në gjendje të dehur Charlize dhe nënën e saj.
Babai im ishte aq i dehur sa nuk ishte në gjendje të ecte kur hyri në shtëpi me armë. Nëna ime dhe unë ishim në dhomën time të gjumit të mbështetura te dera sepse ai po përpiqej të shtynte derën. Pra, ne të dyja ishim mbështetur te dera nga brenda, në mënyrë që ai të mos mund të kalonte. Ai u tërhoq dhe thjesht qëlloi nga dera tre herë. Asnjë nga plumbat nuk na goditi, gjë që është thjesht një mrekulli.
Për të shpëtuar veten dhe vajzën, nëna e saj qëlloi burrin e saj, duke e vrarë atë. Nëna e Theron nuk u akuzua kurrë, pasi doli se ajo po vepronte në vetëmbrojtje. Fituesja e Oscarit tha se babai i saj ishte një burrë shumë i sëmurë dhe një alkoolist. Charlize ka treguar së fundmi se është duke u rikuperuar ende nga trendi kozmetik i viteve ’90. Në një intervistë të bërë së fundmi, ajo u ankua për trendin e vetullave të holla që mbretëronte asokohe dhe tha se ende disi po e merr veten nga kjo.
