Dwayne “The Rock” Johnson së fundmi ka befasuar nënën e tij, Ata Johnson, me një shtëpi të re dhe ka postuar një seri videosh në Instagramin e tij duke dokumentuar momentin e bukur. Në një video shihej 73-vjeçarja teksa i afrohej pragut përpara se të kalonte për herë të parë nëpër dyert e shtëpisë së saj.
Mbi hyrje ishte varur një tabelë që lexonte “Le Samoana” duke nderuar prejardhjen samoane të nënës së tij. 50-vjeçari shkroi për reagimin prekës të nënës së tij se:
Kur isha djalë i vogël, e urreja kur nëna ime qante, këto ditë, me kënaqësi do t’i shoh lotët e saj të gëzimit.
Ai vazhdoi më tej, duke thënë se ai ka qenë me fat që i ka blerë asaj disa shtëpi ndër vite.
Kjo është ëndrra ime. Nënë, nuk ka ndjenjë më të madhe se sa të të bëj të lumtur. Mirë se erdhe në shtëpi.
Rock më pas i bëri nënës së tij një turne në shtëpi dhe në dy video shtesë, ai vuri në dukje aspekte të ndryshme kuptimplote të dekorit të saj të brendshëm. The Rock shkroi:
Unë arrita të zbuloja fotografi të paraardhësve tanë që ajo nuk i kishte parë që kur ishte fëmijë duke u rritur në Samoa.
Klipi i fundit tregonte momentin kur nëna e tij zbuloi dhomën e re të saj ku ajo mban kujtimet më të bukura të Rock.
Kjo është dhoma e saj e preferuar për të sjellë mysafirë dhe është më pak e preferuara ime. Por, e vërteta është se kur unë jam vetëm, këto dhoma që ajo krijon kanë një energji kaq pozitive. Gjithmonë një kujtim i mirë për mua që të mos harroj kurrë se nga vi dhe të jem gjithmonë mirënjohës për arritjet. Unë gjithmonë them, nëse ke një nënë të mirë, atëherë ke mundësi të bëhesh një qenie e mirë dhe e kujdesshme. Le t’i japim të gjithë nënave tona një shenjë të madhe mirënjohëse këtë fundjavë dhe t’i bëjmë ato të lumtura.
View this post on Instagram
