Machine Gun Kelly dhe Megan Fox kanë ndezur thashethemet se ata janë ndarë pasi ai u shfaq në “American Music Awards pa të”. Muzikantit, emri i vërtetë i të cilit është Colson Baker, në vend të saj iu bashkua vajza e tij 13-vjeçare Casie Colson Baker në këtë ngjarje.
Ai ndau foto në Instagram të tyre duke pozuar së bashku, por Megan, ende nuk e ka pëlqyer postimin dhe ajo nuk po e ndjek as në platformën e mediave sociale, pavarësisht se ai e ndjek atë. MGK, veshi një bluzë të zezë me mëngë të gjata, të stolisur me perla.
Ai e ka përfunduar look-un e tij me qëndisje vertikale argjendi, me pantallona të zeza të gjera dhe këpucë të zeza. Artisti kishte një gjerdan të zi me jakë me thumba, vathë dhe mbante flokët e tij bjonde përpara. Vajza e tij kishte veshur një fustan të zi dhe mbante një çantë të zezë me një zinxhir ari, ndërsa kishte flokët e saj të lëshuara.
Dyshja u takuan në xhirimet e “Midnight in the Switchgrass” në mars të vitit 2020 kur aktorja ishte e martuar me aktorin Brian Austin Green. Në shtator ata ndezën thashethemet e fejesës pasi aktorja u pa me një unazë në gisht.
Ajo dukej se mbante një unazë fejese teksa mbështeste muzikantin kur ai përgatitej për çmimet MTV Music. Që nga fillimi i romancës së saj me reperin, fansat e Megan nuk kanë nguruar të vënë në dukje diferencën e moshës mes dyshes.
