Google po ndryshon politikën e punës nga shtëpia dhe po planifikon të kthejë më shumë njerëz në zyrat e kompanisë në SHBA. Firma e teknologjisë do të lejojë punonjësit të punojnë nga shtëpia për më shumë se 14 ditë në vit nëse ata aplikojnë për një gjë të tillë. Google do të vazhdojë punën nga shtëpia deri në 1 shtator por do t’i lejojë punonjësit të kthehen vullnetarisht nga muaji tjetër.
Gjiganti i teknologjisë ishte një nga kompanitë e para që ofroi punë nga shtëpia kur pandemia goditi thuajse të gjithë botën vitin e kaluar. Në një email të kompanisë, Fiona Cicconi, shefe e Burimeve Njerëzore të Google tha se:
Tani ka kaluar një vit që shumë prej nesh kanë punuar nga shtëpia dhe mendimi për t’u kthyer në zyrë mund të frymëzojë emocione të ndryshme.
Google aktualisht po përgatitet për një rihapje të gjerë në shtator, kur punonjësit do të pritet të jenë në zyrë për të paktën tre ditë në javë. Deri atëherë, periudha fillestare e kthimit do të jetë vullnetare pasi zyrat hapen ngadalë me kapacitet të kufizuar, bazuar në disponueshmërinë e vaksinave dhe një prirje rënëse në rastet e COVID-19.
Rikujtojmë, se “Google” njoftoi se këtë vit do të investojë mbi 7 miliardë dollarë në SHBA për të krijuar mijëra vende të reja të punës, me qëllim që të ndihmojë vendin të rimëkëmbet nga shkatërrimi ekonomik i shkaktuar nga pandemia e koronavirusit.
