Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Fashion Magazine Showbiz

Jeni kuriozë të dini se kush është ambasadorja më e re e markës “Dior”?

Ditëve të fundit shumë të famshëm janë duke u bërë imazhet kryesore dhe pse jo edhe amsadorët e markave të njohura dhe shumë të pëlqyera. Së fundmi ka qenë aktorja bukuroshe Anya Taylor-Joy, e cila është bërë ambasadorja më e re globale jo vetëm për modën dhe veshjet por edhe për grimin, e markës së njohur ‘Dior’.

Këtë lajm e bëri të ditur vetë marka ‘Dior’ e cila njoftoi se ylli i “The Queen’s Gambit”, Anya Taylor-Joy do të jetë ambasadorja e tyre më e re globale. Shtëpia luksoze e modës franceze shkroi në rrjetin e saj social Instagram se:

‘Dior’ është e lumtur që të shpallë @AnyaTaylorJoy si ambasadoren e re globale për modën dhe grimin. E parë dhe e veshur me disa krijime të Shtëpisë muajt e fundit, për çmimin e 26-të @CriticsChoice, ajo mishëroi elegancën moderne me një fustan prej tyli të veshur dhe me detaje ‘makramé’ nga koleksioni #DiorCouture Pranverë-Verë 2020 nga @MariaGraziaChiuri, me grim nga @DiorBeauty.

Ajo do të shfaqë punën e drejtoreshës kreative të koleksioneve të grave, Maria Grazia Chiuri, dhe të drejtorit krijues dhe imazhit të make-up, Peter Philips. Lajmi erdhi një muaj pasi 25-vjeçarja e lindur në Majami, e quajti fustanin e saj të verdhë dhe bezhë në ‘Emmy Awards’ si fustanin e saj të ëndrrave që u bë realitet.

Taylor-Joy dukej si mishërimi i Barbie në një krijim rozë të ‘Dior’ në premierën e ‘Last Night In Soho’ në Festivalin Ndërkombëtar të Venecias më 4 shtator.

Ylli i ‘New Mutants’ veshi një fustan prej tyli të ‘Dior’ të veshur dhe me detaje ‘makramé’ për Çmimet e 26-ta të Zgjedhjes së Kritikëve më 7 Mars.

Anya gjithashtu ka përfaqësuar Dior-in me një fustan të gjelbër me rrip dhe pallto mbrëmjeje për ceremoninë e 78-të të ‘Golden Globe Awards’ më 28 shkurt.