Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Kourtney dhe Travis u fejuan dhe janë shumë të lumtur me njëri-tjetrin, por si e ka pritur këtë lajm Scott Disick?

Së fundmi Kourtney Kardashian dhe Travis Barker njoftuan fejesën e tyre. Bateristi i Blink-182 i propozoi yllit të serialit “KUWT”, Kourtney-t në një hotel pranë plazhit në Montecito, Kaliforni, ku ai i kërkoi të ishte gruaja e tij. Sigurisht që bukuroshja pranoi dhe tha po. Muzikanti vlen të theksojmë se planifikoi një ambient të zbukuruar me lule në rërë dhe krijoi një atmosferë shumë unike dhe romantike.

Shumë miq dhe të afërm të Kourtney-t shprehën urimet e tyre për çiftin në postimet e tyre në rrjetet sociale. Mirëpo, ish-partneri i Kardashian, Scott Disick thuhet se nuk e ka pritur mirë lajmin e fejesës. Një burim i afërt me të ka treguar për mediat se ai ndihet vërtet i trishtuar, por do të jetë gjithmonë pranë Kourtney.

Ai gjithmonë do të kujdeset për të. Është nëna e fëmijëve të tij dhe askush tjetër nuk do të krahasohet me këtë. Scott do të jetë gjithmonë pjesë e familjes Kardashian, por është e vështirë për të që të jetë pranë Kourtney dhe Travis.

Rikujtojmë, se Kourtney dhe Scott janë prindër të tre fëmijëve, Mason 11-vjeç, Penelope 9-vjeçe dhe Reign 6-vjeç. Kjo martesë do të jetë e para për Kourtney dhe martesa e tretë për Travis. Motrat e saj, Kim, Khloe Kardashian, Kylie, Kendall Jenner si dhe nëna e saj Kris Jenner ishin të pranishme në propozimin e fejesës, si dhe fëmijët e Barker, Landon 18-vjeç dhe Alabama 15-vjeçe.