Superhëna e parë e 2022 është gati të mbërrijë. Pas pak ditësh qielli do të na japë Superhënën e Luleshtrydhes. Pikërisht më 14 qershor do të ndodhë ky fenomen astronomik. Hëna e plotë e luleshtrydhes, është gati për të mahnitur të gjithë ata që zgjedhin të heqin dorë nga disa orë gjumë për të shijuar një shfaqje vërtet magjepsëse. Hëna e plotë e qershorit do ta tregojë dukshëm satelitin më të madh, pasi është afër perigjeut.
Hëna e plotë e luleve ishte padyshim një nga ngjarjet që ndoqën të apasionuarit pas yllit qiellor, të magjepsur edhe nga fakti që hëna e plotë e majit na dha një eklips hënor sugjestionues. Sado magjepsëse që të jetë, hëna e plotë e majit nuk ishte superhëna e “vërtetë”. Për të përcaktuar kushtet në të cilat sateliti mund të përkufizohet si Superhëna mendoi astrologu Richard Nolle në vitin 1979, sipas të cilit u përcaktua që sateliti të marrë këtë cilësi duhet të jetë në një distancë të barabartë ose më të vogël se 361,885 km nga Toka, matur nga qendrat e dy trupave qiellorë.
Hëna e plotë e majit “e humbi” titullin për një kohë të shkurtër, pasi shkëlqeu 362,127 km larg nesh. Superhëna e parë e vërtetë e vitit 2022 është ajo që do të shkëlqejë në qiell më 14 qershor, kur distanca deri në perigje do të jetë vetëm 357,658 km. Prandaj Hëna luleshtrydhe, do të jetë protagonisti i parë i një shfaqjeje të tillë mahnitëse, në të cilën sateliti do të shfaqet më i madh dhe më i ndritshëm se zakonisht. Emri rrjedh nga zakonet e amerikanëve vendas, të cilët e identifikonin hënën e plotë me elementë që i referoheshin karakteristikave të periudhës. Kjo është arsyeja pse hëna e plotë e qershorit, muaji gjatë të cilit piqen frutat e shijshme të kuqe, njihet edhe si Hëna e Luleshtrydheve.
E njëjta ngjarje në vendet evropiane njihet edhe si muaji i mjaltit, si dhuratë për çiftet e sapomartuara, si një dëshirë për të nxitur riprodhimin. Uai (Unioni i Astronomëve Amatorë të Italisë) ka njoftuar se Hëna do të jetë e plotë më 14 qershor në orën 13.52, ndërsa do të jetë në perigje më 15 qershor, në orën 1.23 të natës në Itali, kur do të jetë 357.658 kilometra larg nesh. Superhëna e qershorit do të jetë e dukshme nga e gjithë Italia edhe me sy të lirë. Superhëna e dytë 2022 është për muajin tjetër. Hëna e plotë e Drerit, e planifikuar për 13 korrik, do të jetë edhe më super pasi do të jetë vetëm 357,418 km, por para kësaj qielli i qershorit është gati të japë një shfaqje të paarritshme, të tilla si rreshtimi i rrallë dhe magjepsës i 5 planetëve.
