Ajo është shtëpia më e famshme në Shqipëri dhe padyshim që ngjarjet e krijuara në shtëpinë e Big Brother Vip Albania janë në qendër të vëmendjes. Banorët e BBV2 po përfliten kudo në rrjet, dhe janë kthyer në protagonistët e përditshmërisë sonë, duke transmetuar shumë emocione të forta teksa rrëfejnë historitë e tyre apo edhe gjatë përditshmërisë, konflikteve dhe raporteve me njëri-tjetrin.
Vetëm pak më parë Luizi ka lënë shtëpinë e “BBV2” për një surprizë që Vëllai i Madh ka menduar për të. Duke shkuar në një vend të inskenuar si Shkodër, Luizi është surprizuar nga nëna e tij dhe na kanë falur emocione të veçanta gjatë takimit të tyre.
Dalëngadalë finalja e madhe e edicionit të dytë të këtij spektakli fenomen po vjen, 6 maj është data e shënuar. Sigurisht që gjysmëfinalja e sotme do të jetë një natë e paharrueshme dhe ne do të mësojmë edhe emrin e finalistit të fundit. Të martën Dea Mishel u shpall finalistja e tretë pas Efit dhe Luizit, ndërsa banorët e tjerë Kristi, Nita dhe Qetësori shkuan në një televotim për të zgjedhur finalistin e fundit. Në lidhje me këtë në faqen e Web-it të Top Albania Radio është ngritur një sondazh me pyetjen Cili banor mendoni se do të shpallet finalisti i katërt i “Big Brother VIP”? dhe rezultatet janë: Kristi (45%), Qetësori (30%) dhe Nita (25%).
