Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Merrni frymë thellë dhe zbuloni sa fiton në një minutë dyshja e njohur italiane, Chiara dhe Fedez!

Dyshja e njohur italiane, blogerja Chiara Ferragni dhe bashkëshorti i saj, këngëtari Fedez janë padyshim një nga çiftet më të njohura e me të komentura në botën e showbiz-it. Ata shquhen për natyrën e thjeshtë e pa komplekse që kanë. Çifti i famshëm kanë ngritur perandorinë e tyre dhe po ja dalin të pasurohen çdo ditë e më shumë mes bizneseve që zotërojnë dhe kontratave që nënshkruajnë.

Së fundmi del dhe një prodhim filmik i tyre që pritet ta rrisë dhe më shumë vlerën në llogarinë e çiftit. Por a e dini sa fitojnë ata në një minutë? Sipas një faqeje të njohur në Instagram që analizon personazhet publik dhe fitimet e tyre, ata fitojnë 32 euro në minutë. Chiara Ferragni është pa dyshim një nga ikonat më të mëdha të modës.

Blogerja e njohur italiane me paraqitjet e saj elegante ka arritur të bëhet një influencuese për shumë gra në mbarë botën. Ajo vazhdimisht është duke punuar për diçka të re. Tashmë, pas krijimit të markës së saj të modës, influencuesja e njohur njoftoi një tjetër hap të ri profesional.

Chiara gjithashtu së fundmi është nderuar me çmimin GQ “Gruaja e vitit”. Gjatë ceremonisë së marrjes së çmimit ajo mbajti një fjalim mjaft domethënës duke u shprehur se ndihet shumë krenare që e merr këtë çmim pas një periudhe mjaft sfiduese për të gjithë gjatë periudhës së pandemisë.

Jam shumë krenare që e marr këtë çmim sot pas një viti e gjysmë shumë sfidues që të gjithë kemi përjetuar. Ajo që të gjithë (përfshirë edhe mua) janë përpjekur të bëjnë këtë vit ishte të ndihmojmë komunitetin dhe nuk po flas vetëm për komunitetin e mediave sociale, por edhe për komunitetin e vërtetë në botë. Sot një vit e gjysmë unë dhe burri im mblodhëm 5 milion euro dhe ndërtuam një njësi të re të kujdesit intensiv të një spitali në Milano, në qytetin tim, për urgjencën e Covid dhe e bëmë atë në vetëm 2 javë, që është goxha e pabesueshme. Gjithashtu u përpoqëm të lidhim prodhuesit e rrobave dhe të gjitha kompanitë e veshjeve për të bërë maska mbrojtëse për spitalet e vendit tonë. Për herë të parë, në një botë të globalizuar, ne filluam të mendonim në mënyrë të lokalizuar. Ne donim të mbështesnim njerëzit në të gjithë botën duke përdorur zërat tonë, influencën e mediave tona që të ndikonin pozitivisht për të ndihmuar njëri-tjetrin. Kjo është arsyeja pse sot jam kaq krenare që e marr këtë çmim sepse e di që jam më shumë se një fytyrë e bukur që jep këshilla për modën dhe shpresoj se kam treguar se ndryshimi mund të vijë nga kushdo. Të gjithë mund të bëjnë diferencën. Të gjithë, pak nga pak dhe duke luftuar çdo ditë, mund të krijojnë një ndryshim pozitiv. Për këtë arsye dua t’ia kushtoj këtë çmim të gjitha grave dhe qenieve njerëzore që janë mjaft të guximshme për të besuar në fuqinë e njerëzve. Faleminderit të gjithëve.