Kanye West dhe Bianca Censori kanë disa ditë që ndodhen në Itali dhe herë pas here kanë tërhequr vëmendjen e të gjithëve me daljet e tyre në publik. Së fundmi, bashkëshortja e reperit të njohur është fotografuar duke shëtitur nëpër Itali “topless”.
Ajo mban në duar një jastëk, me të cilin mbulon gjoksin. Gjithashtu mban veshur edhe një palë geta ngjyrë nude. Nga ana tjetër, 46-vjeçari u shfaq i veshur i gjithi me të zeza. Në kokë mbante një kapuç, ndërkohë nuk kishte veshur këpucë por vetëm çorape.
Fotot janë realizuar nga “Daily Mail” që shkruan se kjo dalje e tyre publike është bërë të mërkurën. Ata janë fotografuar teksa dilnin nga hoteli ku qëndrojnë në Firence dhe po shkonin për të bërë shopping. Kjo paraqitje mjaft e çuditshme dhe shqetësuese vjen në mes të një hetimi që policia italiane ka nisur për sjelljen e “shthurur” të çiftit të famshëm.
Rikujtojmë se, pas gjithë bëmave të tij të shumta e herë herë skandaloze, Kanye West u shfaq krejt papritur në një dasmë në Itali, për kënaqësinë e nuses dhe dhëndrit. West dhe gruaja e tij Bianca Censori kanë bërë bujë në vend pas një sërë paraqitjesh të diskutueshme publike javët e fundit, duke përfshirë ekspozimin e të pasmeve dhe intimitet gjatë një xhiroje me varkë në Venecia.
Por këtë herë, veprimet e tij publike duken më pak të kenë të ngjarë të shkaktojnë mërzitje pasi ai u pa në një video të TikTok duke përshëndetur çiftin e lumtur dhe duke bërë foto me ta. Pamjet, të cilat u bënë virale gjatë fundjavës, u kapën në një kishë në Firence dhe shfaqin nusen dhe dhëndrin duke shtrënguar duart dhe duke bërë biseda me një burrë që besohet të jetë West, ndërsa blicet e kamerës shkrepen.
