Ata janë prej 20 vitesh së bashku dhe duket se asgjë nuk mund ta ngadalësojë historinë solide të dashurisë mes Harrison Ford dhe Calista Flockhart. Çifti i njohur i Hollywood-it ka ‘lulëzuar’ në një botë ku romancat e gjata janë një perlë e rrallë. Një dashuri që ‘lulëzoi’ pavarësisht gjithçkaje. Kur Calista dhe Harrison u takuan për herë të parë në ‘Golden Globes’ në 2002, aktorja e derdhi pijen mbi të 20 minuta pas bisedës së tyre.
Ndoshta ky ‘aksident’ i vogël i ndihmoi për të ‘thyer’ akullin midis tyre. Sidomos duke pasur parasysh se takimi me heroin ikonik të ‘Indiana Jones’ duhet të ketë qenë pak frikësues. Nga ana e saj, Calista është gjithashtu një aktore e nderuar fituese e ‘Golden Globe’. Është evidente se të dy artistët kishin të njëjtin profesion dhe e njihnin mirë Hollywood-in, por kur bëhej fjalë për jetën private, nuk mund të ishin më ndryshe. Ford u divorcua dy herë dhe tashmë është baba i 4 fëmijëve e ndërsa Calista ishte një nënë beqare e një djali të sapo adoptuar.
Hendeku 22-vjeçar midis tyre ishte një tjetër ndryshim “i madh” mes çiftit. Por duket se mosha është vetëm një numër kur bëhet fjalë për këta të dy. Pasi tha në një intervistë të vitit 2003 se diferenca në moshë nuk e shqetëson, Calista madje pranoi se vazhdon të harrojë se ai është 22 vjet më i madh se ajo. Ford nga ana tjetër pranoi se nuk kishte pasur një lidhje serioze për një kohë, përveç asaj që kishte me fëmijët e tij. Por duket se takimi me Calista-n ishte një pikë kthese në jetën e tij. Ai madje shprehu habinë kur zbuloi se ishte i aftë të krijonte një marrëdhënie afatgjatë.
Ford nuk është shumë larg superheroit që kërkon aventura që ai është mësuar të luajë në ekranin e madh. Ai madje ia transferoi këtë pasion edhe gruas së tij. Megjithatë, pavarësisht nga hobi i tij në natyrë, të qenit me gjysmën tjetër dhe të ndihmojë nëpër shtëpi është e para. Heroi i ‘Indiana Jones’ kishte thënë se ai do të fluturonte, do të shëtiste në pyll ose do të ngiste biçikletën e tij vetëm nëse do të përfundonte fillimisht punët e caktuara nga gruaja e tij.
Duke i shtuar kësaj, aktori është gjithashtu një baba i përkushtuar për djalin e tyre të adoptuar, Liam, i cili tani është 20-vjeç. Madje ai me shaka deklaroi në vitin 2003 se kishte shumë përvojë në ndërrimin e pelenave, pasi kishte rritur 4 fëmijë para Liam.
Aktori preferon ta mbajë private jetën e tij sa më private. Por kur u pyet për sekretin e martesës së tij solide, ai kishte këtë këshillë për të dhënë:
Mos fol. Lëviz kokën.
Duket se heshtja është një ‘biletë e artë fituese’ që ai e përdor jo vetëm në jetën e tij profesionale, por edhe kur bëhet fjalë për marrëdhënien në çift. Dhe mesa shohim, deri tani ka funksionuar më së miri.
