Futbollisti me origjinë shqiptare, Granit Xhaka nuk mund t’a ndihmojë Zvicrën në ndeshjen kundër Spanjës në fazën çerekfinale të ‘Euro 2020’ që zhvillohet sot. Mesfushori shqiptar është i pezulluar për shkak të akumulimit të dy kartonëve të verdhë gjatë turneut evropian.
Ai është lojtari i vetëm i pezulluar nga tetë skuadrat pjesëmarrëse në fazën çerekfinale, ndërsa nuk ka munguar reagimi i tij në rrjetin social, Facebook.
Më thyhet zemra që nuk mund të luaj por kam besim të plotë se ne do ta kryejmë punën. Ajo që posedon kjo skuadër është e veçantë dhe ne do të japim absolutisht gjithçka për t’a shkruar historinë.
Menjëherë pas fitores ndaj Francës, Granit Xhaka u deklarua për këtë fitore shumë të rëndësishme ndaj fituesve të Kupës së Botës.UEFA ndërkaq e ka shpallur kapitenin e Zvicrës lojtarin e ndeshjes, çmim ky mjaft i merituar duke marrë parasysh motivimin e madh tek lojtarët e tjerë.
Xhaka është duke shkëlqyer në këtë Kampionat Europian. Paraqitja brilante e tij ka bërë që shumë skuadra të kthenin shikimin te mesfushori shqiptar.
Sipas asaj që raporton “Calciomercato”, Juventusi është duke e menduar seriozisht transferimin e anëtarit të Arsenalit. Pas dy ditësh pushim, është rikthyer futbolli. Sot luhen përballjet e fazës çerekfinale të Euro 2020.