Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Health & Beauty Lifestyle

Për të gjithë meshkujt që duan të kenë një kujdes ndaj lekurës hidhini një sy këtij udhëzuesi!

Kujdesi ndaj lëkurës nuk ka gjini dhe nuk janë vetëm femrat ato që duhet të kenë një kujdes të shtuar sa i përket kësaj pjese. Edhe meshkujt duhet të tregohen shumë të kujdesshëm sidomos tani me ardhjen e sezonit të verës ku lëkura është më e ndjeshme ndaj rrezeve të diellit.

Me pak fjalë, rrezet UVA do të plakin para kohe lëkurën tuaj dhe mund të çojnë në kancer të lëkurës si dhe rrezet UVB që do ta djegin atë. Julia Stewart, drejtoreshë e “Shiseido” thotë se:

Këto rreze depërtojnë në lëkurë, janë të pranishme dhe dëmtojnë lëkurën. E rëndësishme është të aplikoni SPF kudo ku shkoni.

Kremrat diellorë priren të jenë më të përdorshmit dhe kanë një strukturë më të lehtë që absorbohet lehtësisht në lëkurë, ndërsa kremrat mbrojtës kanë tendencë të zgjasin më gjatë në diell. Lëkurat e errëta gjithashtu kanë nevojë për mbrojtje nga dielli.

Të mbroni lëkurën nga dielli duhet të jetë një rutinë e përditshme, pavarësisht nga toni i lëkurës. Tonet më të thella të lëkurës kanë nivele më të larta të melaninës dhe për këtë arsye duhet më shumë mbrojtje natyrore nga rrezet e diellit, rrezet UV të cilat mund të shkaktojnë dëme në lëkurë, nga plakja e parakohshme, pigmentimi dhe kanceri i lëkurës.

Për të gjithë ju meshkuj që nuk dini çfarë të përdorni apo jeni në dilemë se çfarë të bëni më poshtë do të gjeni gjithçka që ju nevojitet për të siguruar një lëkurë të shëndetshme.

1. SPF e përditshme.

Produktet hidratuese që përmbajnë SPF të integruar (Stewart rekomandon një SPF me spektër të gjerë që ndihmon në bllokimin e rrezeve UVA dhe UVB). Një krem si “Shiseido’s Benefiance Wrinkle Smoothing Day Cream SPF25” ka veti kundër rrudhave dhe është një mënyrë e shkëlqyeshme për të rritur nivelet e hidratimit të lëkurës tuaj ndërsa ofron një mbrojtje UV.

Ose mund të blini një “Sun Drops SPF50”, një serum i lehtë që nuk do ta lërë fytyrën tuaj gri, madje edhe në nuanca të errëta të lëkurës. Rekomandohet aplikimi i disa pikave pas hidratimit, ose përzierjen e tyre me kremin tuaj hidratues.

2. Krem kundër diellit.

“Nëse po kaloni kohë jashtë, vendosni kremin kundër diellit të paktën 30 minuta para ekspozimit në diell”,-thotë Dr.Stewart. Kështu kremi ka kohë të thahet dhe të formojë një shtresë uniformë të mbrojtjes në lëkurën tuaj. Riaplikojeni afërsisht çdo dy orë, madje edhe më shumë nëse jeni duke notuar ose po stërviteni.

Zgjidhja më e mirë do të ishte “Shiseido Clearstick UV Protector SPF50 +”, i cili është i padukshëm, madje edhe në ngjyra të errëta të lëkurës si dhe “Daily Face Protect SPF50 by The Grey Men’s Skincare”, një mundësi e shkëlqyer vegane që përmban acid hialuronik hidratues.

3. Hidratues.

Një krem hidratues i njomur, është zgjedhja e duhur nëse doni t’i jepni shkëlqim të shëndetshëm fytyrës tuaj dhe të maskoni shenjat e mungesës së gjumit. Këto produkte barazojnë tonin e lëkurës duke e mbajtur lëkurën të lagur dhe duke ofruar pak mbrojtje nga dielli. Provoni “Lab Series BB Tinted Moisturizer SPF35” ose “Perricone MD’s No Makeup Concealer Broad Spectrum SPF20” për korrigjimin e ngjyrave veçanërisht rreth syve.

4. Mos harroni buzët tuaja.

Ne shpesh i neglizhojmë buzët kur bëhet fjalë për mbrojtjen nga dielli, por edhe ato mund të digjen. Provoni Balsamin Mbrojtës të Buzëve të Aesop-it SPF30, i cili është i pasuruar me vajra botanikë për të qetësuar buzët e lënduara dhe ofron mbrojtje nga UVA dhe UVB, ose “Salt & Stone Lip Balm SPF30”, i cili përmban vaj bajame dhe argan që ushqejnë buzët e thata.