Izraeli po planifikon të ndërtojë një muze kushtuar fizikanit Albert Ajnshtajn pasi qeveria miratoi së fundmi projektin me vlerë 18 milionë dollarë. Muzeu do të ndërtohet në mjediset e Universitetit Hebraik në Jerusalem. Ajnshtajni u lind në Ulm të Gjermanisë, por si një hebre, ai iku në SHBA për t’i shpëtuar nazistëve.
Si një nga themeluesit e Universitetit Hebraik, ai i la trashëgimi institucionit shkrimet dhe pasuritë e tij, i cili u hap në vitin 1925. Einstein u nderua gjithashtu me Çmimin Nobel në Fizikë në vitin 1921.
Nëpërmjet një deklarate, Universiteti tha se:
Projekti, i udhëhequr nga Ministria e Çështjeve dhe Trashëgimisë së Jerusalemit dhe Universiteti Hebraik, përfshin ndërtimin e një ndërtese unike në kampusin “Safra” të universitetit, në Givat Ram për të vendosur arkivat e plota të Ajnshtajnit. Arkivat do të jenë të aksesueshme për publikun e gjerë në formatin digjital dhe muzeu do të shërbejë gjithashtu si një hapësirë inovative për edukimin shkencor dhe teknologjik.
Muzeu “Albert Ajnshtajn” do të shfaqë kërkimet, aktivitetet dhe trashëgiminë e fizikanit përmes teknikave të ekspozitës moderne, demonstrimeve shkencore dhe dokumenteve origjinale. Muzeu gjithashtu planifikon të nxjerrë në pah lidhjen e thellë të shkencëtarit me fatin e popullit hebre, shtetin e Izraelit dhe Universitetin Hebraik të Jerusalemit.
Ndërkaq, nëse kohët e fundit truri juaj po acarohet shumë shpesh, ndoshta është më mirë t’i drejtoheni një diete për ta mbajtur atë në formë dhe cila dietë mund të jetë më e mirë se ajo e fizikantit të famshëm gjerman Albert Einstein? Tani mos mendoni se duke ndjekur dietën e të famshmit Albert Einstein do të mund të bëheni një fizikan revolucionar, por sigurisht që mund të jetë e dobishme të dini se si e ushqeu veten shkencëtari i madh. Sigurisht që Ajnshtajni u kujdes për trurin e tij duke zgjedhur ushqimet e duhura. Pra, le të shohim se çfarë i pëlqente në pjatën e tij…