Robert De Niro, ylli i “Killers of the Flower Moon” ka qenë i përfshirë në disa nga projektet më të mëdha filmike, megjithëse edhe jeta e tij edhe në shtëpi është gjithashtu mjaft e ngarkuar sepse duhet t’i dedikohet familjes, rikujtojmë se aktori 80-vjeçar u bë baba për herë të shtatë vitin e kaluar.
Përveç vajzës së tij të vogël, De Niro ka edhe fëmijët e tij më të mëdhenj me ish-gruan Diahnne Abbott, duke adoptuar vajzën e saj Drena teksa çifti kishte djalin Raphael së bashku. Me Toukie Smith ai ka dy djem Julian dhe Aaron dhe nga martesa e tij me Grace Hightower ka djalin Elliot dhe vajzën Helen, të lindur nga një nënë surrogate.
Fituesi i çmimit Oscar u emocionua në një intervistë të fundit teksa foli për prindërimin dhe për vajzën e tij të vogël. Duke folur në AARP The Magazine, De Niro tha se ‘është mirë’ të jesh prind sërish në moshë madhore.
Gjithçka me të cilën jam i zhytur ose shqetësohem thjesht largohet kur e shikoj. Është e mrekullueshme. Kur ajo të rritet – kush e di? Por ajo mënyrë shumë e ëmbël për të të parë ty, duke të marrë brenda, duke menduar, duke parë dhe duke vëzhguar,” shtoi ai, duke u përlotur.
Teksa është kujdesur pothuajse në çdo dekadë të jetës së tij për fëmijët, aktori ka zbuluar se ka një qasje më të qetë ndaj prindërimit këto kohë.
“Nuk bëhet më e lehtë,” shpjegoi ai për The Guardian tetorin e kaluar.
Legjenda e aktrimit shtoi:
Është ajo që është dhe kjo është në rregull. Domethënë, nuk bëj asgjë shumë të lodhshme. Unë jam aty për të mbështetur të dashurën time. Ajo bën të gjithë punën e vështirë. Por kemi edhe ndihmë, e cila është shumë e rëndësishme.
