Për më shumë se 10 vjet, shtëpia e këngëtares Alicia Keys në shkëmb, e nënshkruar nga arkitekti dhe dizenjatori Wallace Cunningham, e quajnë më të bukurën në Amerikë. Që kur Alicia Keys dhe bashkëshorti i saj, manjati i famshëm i muzikës Sweezy Beatz, blenë këtë perlë moderniste në vitin 2019, ajo ka përjetuar disa freskime të dizajnit dhe ka një enterier vërtet fenomenal.
Kjo mrekulli arkitekturore e njohur fillimisht si “Razor House”, ka një pamje oqeani, ndërsa Alicia dhe Kasseemi e quajtën atë “Toka e ëndrrave”. Arkitekti Cunningham thotë se:
Çdo mur në këtë shtëpi, çdo pjesë e saj është një skulpturë. Të gjitha ato forma të bukura në formën e shkronjës S, kthesat fluturojnë në ajër mbi kokën tuaj. Më shumë i ngjan skulpturës sesa arkitekturës.
E ndërtuar në vitin 2007, shtëpia ka një strukturë konsolle nga dyshemeja deri në tavan, beton të bardhë, oborre dhe shkallë lundruese. Një përpjekje për ta bërë shtëpinë komode për familjen, pavarësisht skajeve të mprehta dhe atmosferës futuriste. Dhoma e ndenjes rrethore, është e mbushur me kolltukë prej kadifeje dhe një qilim mëndafshi të rrumbullakët. Dhoma zyrtare e ngrënies vazhdon në dhomën e ndenjes ku një divan me prerje tufash i mbështjellë me kadife është vendosur pas një tavoline kafeje të skalitur nga një trung peme Albizia.
Piano ‘Steinway & Sons’, është dhurata e parë nga shtëpia e saj diskografike që nga mosha 16-vjeçare, ku tani praktikon djali i saj Egypt. Në të njëjtin kat ndodhet dhoma e gjumit, e cila ka një mur xhami. Përballë saj ka një palë karrige vintage që krijon një vend të këndshëm relaksi. Ekziston edhe një zonë për mysafirë me pamje nga pishina dhe oqeani. Një nga hapësirat më unike në shtëpi është garazhi nëntokësor dhe salloni ngjitur, i cili ka tre Ferrari dhe një studio regjistrimi.
