Gladys McGarry mendoi se nuk do të shërohej kurrë kur burri dhe partneri i saj në biznes e la atë pas 46 vitesh martesë. Më pas ajo gjeti zërin, lumturinë dhe drejtimin e saj. “Është e vështirë të përcaktosh sasinë e gjërave që ndodhin në jetën tënde”,-thotë Gladys McGarry në moshën 102-vjeçare. Jo shumë kohë para se të mbushte 70-vjeçe, bashkëshorti i saj Bill, me të cilin ishte e martuar për 46 vjet, bëri kërkesë për divorc.
McGarry dhe Bill nuk ishin vetëm të martuar për dekada, por edhe kolegë të ngushtë. Të dy ishin mjekë dhe ndër bashkëthemeluesit e Shoqatës Mjekësore Holistike Amerikane në 1978. Gjatë martesës së tyre, ata ndanë një klinikë në Phoenix, Arizona, si dhe 6 fëmijë së bashku. Kur martesa përfundoi, Bill filloi një marrëdhënie me një kolege tjetër. McGarry humbi jo vetëm partnerin e saj të jetës, por edhe partnerin e saj të biznesit. “Isha e shkatërruar”, thotë ajo.
Vajza e saj Helen iu bashkua asaj në praktikë menjëherë pas kësaj duke hapur një klinikë të re në Scottsdale aty pranë. McGarry kishte ende një arsye për t’u ngritur çdo mëngjes. Dhimbja e ndarjes ishte e madhe, gjëja më e vështirë me të cilën ishte përballur ndonjëherë. Më e vështirë, thotë ajo, se dy periudhat e kancerit që kaloi në të 30-at dhe 90-at e saj.
Nuk është çështje ta kapërcesh, është çështje mbijetese. Nëse mund t’u mbijetosh problemeve me të cilat përballesh, ata do të bëhen një nga mësuesit e tu.
