Ylli i hip-hop Wiz Khalifa po bën thirrje për paqe në industrinë e muzikës pas vdekjes së dhunshme të reperëve të tjerë Drakeo the Ruler dhe Young Dolph. Krijuesi i hitit “See You Again” shkroi në Twitter të dielën mbrëma për t’i kërkuar kolegëve të tij interpretues që të trajtojnë njëri-tjetrin më mirë gjatë vitit të ri. Në një postim të ndarë me ndjekësit e tij, reperi shkroi:
Si muzikantë, le të provojmë disa gjëra të tjera vitin e ardhshëm. Të kujdesemi për biznesin tonë.
Khalifa, emri i vërtetë i të cilit është Cameron Jibril Thomaz, iu lut të famshmëve të tjerë që të respektojnë familjen e njëri-tjetrit, personat e vdekur ose zonën nga vijnë. Ylli 34-vjeçar vazhdoi të ofrojë më shumë mendime mbi rekomandimet e tij për ndryshim në vitin 2022, duke pranuar se megjithëse këto grindje me të famshmit mund të mos jenë shkaku i drejtpërdrejtë i dhunës, ai beson se ndryshimi i tyre mund të ndihmojë.
Kjo vjen pasi së fundmi, reperi amerikan Drakeo the Ruler ka ndërruar jetë nga plagët e marra pasi u godit disa herë me thikë në një festival muzikor në Los Angeles. 28-vjeçari, emri i vërtetë i të cilit ishte Darrell Caldwell, ishte planifikuar të performonte në festivalin ‘Once Upon a Time in LA’ të shtunën mbrëma. Artisti thuhet se u godit me thikë gjatë një sherri në prapaskenë rreth kohës kur ai do të performonte.
Gjithashtu muajin e kaluar, Young Dolph, reperi pas albumeve si “Rich Slave”, u qëllua për vdekje në një dyqan biskotash në Memphis. Asnjë arrestim nuk është bërë në lidhje me vdekjen e tij. Në vitin 2014, Khalifa tha gjatë një interviste me Vlad TV se ai kishte marrë një vendim të ndërgjegjshëm për të mos përfshirë negativitetin ose dhunën në muzikën e tij, pavarësisht se ishte rritur në një zonë veçanërisht të dhunshme të Pittsburgh. Ai shpjegoi në atë kohë:
Unë thjesht dua t’u jap fëmijëve një mundësi për të parë dikë që nuk flet për dhunë, që ata ende mendojnë se është i mirë.
