Design

Zbuloni llojin më të mirë të gurit për muret e shtëpisë tuaj!

Përdorimi i gurit të duhur është një nga mënyrat më të mira për ta bërë kopshtin, tarracën ose fasadën tuaj të shtëpisë të duket më luksoze. Ekziston një numër i vogël i llojeve të gurëve që mund të përdorni për pjesën e jashtme, për fasadat, rrethojat e kopshteve dhe për oborrin. Ja disa nga llojet më të zakonshme të gurit natyror dhe për cilën pjesë të jashtme ato përdoren më shumë:

Travertini, ‘mbret’ i gurit.

Ajo që e bën travertin një zgjedhje fantastike për shtëpinë tuaj është qëndrueshmëria dhe jetëgjatësia e tij. Ky gur është i fortë dhe i qëndrueshëm, por gjithashtu i bukur, dhe gjendet në ngjyra të ndryshme nga ngjyra e artë deri te ajo e bardha.

Bukuria e gurit travertin theksohet më tej nga vijat delikate që mund ta bëjnë shtëpinë më luksoze dhe të bukur. Ky gur natyror është përdorur si për ndërtimin e Koloseumit të famshëm ashtu edhe për projekte të reja, më moderne.

Guri ranor, shpëtim nga temperaturat e larta.

Guri ranor është një shkëmb sedimentar, i cili është i ndërtuar me kokrra kuarci, muscoviti dhe feldspati. Guri ranor gjendet në ngjyra të ndryshme nga e bardha, bezha, e verdha, e kuqja deri te e kafenjta e errët. Përpunohet shumë lehtë dhe përmban kuarc, i cili i jep rezistencë ndaj konsumimit dhe temperaturave të larta.

Granit.

Graniti nuk përdoret më vetëm për pllaka të punës në kuzhina. Është një mundësi e shkëlqyeshme për fasadën e shtëpisë dhe shkallëve, pasi ofron një gamë të gjerë të ngjyrave dhe është guri natyror më i fortë, më rezistues ndaj dëmtimeve. Graniti është gjithashtu një gur më i përshtatshëm se travertini dhe guri ranor.

Një nga gjërat më të mira në lidhje me këtë gur natyror është se ngjyrat e tij të bukura janë të qëndrueshme dhe do të qëndrojnë me shkëlqim gjatë gjithë jetës së gurit.

Mermer fasade.

Mermeri është një shkëmb metamorfik, i formuar nga kristalizimi i gurit gëlqeror dhe dolomiti. Vlerësohet si gur dekorativ, por edhe si fasadë.

Është guri më i shtrenjtë që ofrohet për shkak të rezistencës së tij të lartë ndaj të gjitha kushteve të motit, si dhe për shkak të pamjes dekorative mjaft tërheqëse.

Guri grek i thyer, më i miri për shtrim të shtigjeve dhe për sipërfaqe më të vogla të murit

Me origjinë nga Greqia, guri i thyer ka provuar të jetë një nga zgjidhjet më të mira për peizazhin – për shtigjet, trotuaret dhe shkallët, si dhe për zonën përreth pishinës. Gjendet në ngjyrë bezhë, të errët dhe gri të shndritshme.

Ky gur ka një strukturë graniti dhe është shumë cilësor, rezistues ndaj konsumimit, ngricave, ndryshimeve të temperaturës, si dhe rrëshqitjes.

Me mbipopullimin gjithnjë e më të zakonshëm në qytetet e mëdha, arkitektura dhe projektet e planifikimit urban vazhdimisht duhet të rindërtohen për të futur më shumë njerëz në hapësira më të vogla.

Rikujtojmë, se dyshemeja prej druri ka shumë avantazhe për t’ju ofruar ndryshe nga dyshemeja me linoleum. Ju mund të ‘tronditeni’ pak fillimisht me koston relativisht më të shtrenjtë që ofron, por, kur realizon dyshemenë prej druri në shtëpinë tuaj, mund të prisni përfitimet e shumta.