Gjatë ditëve të ftohta të vjeshtës dhe të dimrit, shumicën e luleve më së miri është t’i fusim në shtëpi, mirëpo ekzistojnë dy vende në shtëpi të cilat nuk u përshtaten. Njësoj vlen edhe për lulet të cilat i mbajmë gjatë gjithë vitit brenda në shtëpi. Fjala është për vendet pranë dritareve nëpër të cilat kalon ajri i ftohtë. Duhet kujdesur që fletët e lules të mos prekin xhamin e ftohtë të dritares dhe pranë burimit të nxehtësisë, siç janë radiatorët, sepse tërheqin lagështinë nga lulja dhe është e mundshme që shpejt të thahet.
Këtë do ta vëreni nga fletët të cilat ngadalë marrin ngjyrë të gështenjtë dhe fillojnë të vyshken. Për shkak të zvogëlimit të dritës së diellit, lulet e shtëpisë gjatë dimrit rriten më ngadalë prandaj nuk është i nevojshëm shumë ujë si në stinët e ngrohta. Me ujitje të tepruar bimëve mund t’u shkaktoni sëmundje të ndryshme. Meqenëse rreze dielli ka pak, përpiquni që t’i eliminoni të gjitha pengesat e absorbimit të dritës së diellit dhe fshijani fletëve pluhurin rregullisht.
