Rritja e orkideve kërkon durim dhe kujdes të vazhdueshëm. Shumë prej nesh kanë provuar truke si llumi i kafesë apo lëvorja e bananes, por së fundmi po qarkullon një metodë tjetër: përdorimi i ujit të orizit.
Një anëtare e grupit në Facebook “Orchids Tips and Tricks”, Shifta Khan, ndau eksperiencën e saj pasi orkidea e saj nuk kishte lulëzuar për 18 muaj.
E ushqeja me pleh për orkide çdo dy javë dhe dukej e shëndetshme, por nuk po lulëzonte
-tregoi ajo.
Pas sugjerimit të një fqinji, vendosi të provojë ujin e orizit. Metoda ishte e thjeshtë:
-Orizi lihet në ujë për 30 minuta
-Uji kullohet
-Vazoja e orkidesë zhytet në këtë ujë për 15 minuta
Sipas saj, pasi e përsëriti procesin tri herë, orkidea filloi të nxirrte kërcell me lule dhe lulëzoi për më shumë se një muaj. Ajo shtoi se i ujit orkidetë çdo dy javë, duke i zhytur në ujë për 15–20 minuta.
A funksionon vërtet?
Uji i orizit përmban niseshte dhe vitaminë B.
-Niseshtja mund të japë energji shtesë për bimën
-Vitamina B ndihmon në zhvillimin e një sistemi të fortë rrënjor
Kjo është arsyeja pse vitamina B shpesh përfshihet në plehrat për bimë.
Megjithatë, ekspertët paralajmërojnë se përdorimi i tepërt i ujit të orizit mund të ketë efekt negativ. Niseshtja mund të krijojë një shtresë të trashë në substrat, duke penguar kullimin e duhur të ujit dhe duke rritur rrezikun e kalbjes së rrënjëve.
Si ta përdorni në mënyrë të sigurt?
-Mos e përdorni shumë shpesh
-Mos e zëvendësoni plehun e rregullt me të
-Përdoreni si shtesë, jo si metodë kryesore ushqimi
Uji i orizit mund të jetë një “nxitje” e mirë për orkidetë, por çelësi mbetet balanca dhe kujdesi i rregullt.
