Instagram-i ka rënë këtë të premte për shumë përdorues në SHBA, Britaninë e Madhe, disa pjesë të Europës, Azisë dhe Australi. Problemi ka nisur rreth mesditës, ndërsa shkaku i ndërprerjes mbetet i panjohur, përdoruesit e Instagram-it kanë ndarë shqetësimet e tyre në rrjetin social X. Meta, kompania që drejton Instagram-in, ende nuk ka dhënë një deklaratë zyrtare për shkakun e këtij problemi. Ky problem ndodh vetëm disa ditë pas një tjetër ndërprerje të ngjashme që preku përdoruesit më 11 mars. Instagram, që ka mbi 2 miliardë përdorues aktivë në muaj, është një nga platformat më të njohura, por duket se përjeton ndërprerje të shpeshta, me disa raporte që tregojnë për një ngjarje të ngjashme edhe më herët këtë vit.
Instagram po sjell veçori të reja, duke përfshirë mundësinë e përkthimit të mesazheve në 99 gjuhë, opsionin për dërgimin e mesazheve në një kohë të caktuar deri në 29 ditë më vonë dhe shumë të tjera. Përveç këtyre, platforma po prezanton mënyra të reja për ndarjen e muzikës, mundësinë për të fiksuar deri në tre biseda në krye të DM-ve, si dhe QR Code për bisedat në grup. “Me funksionin e ri të përkthimit të mesazheve të Instagramit, mund të komunikoni lehtësisht në mbarë botën pa u shqetësuar për barrierat gjuhësore. Pavarësisht nëse dëshironi të lidheni me të afërmit në Korenë e Jugut pas një kohe të gjatë ose me mikun tuaj më të mirë në Spanjë, tani mund të përktheni mesazhet e tyre direkt në DM-të tuaja”-thuhet në njoftimin e kompanisë.
Instagram po eksperimenton me një veçori të re që lejon përdoruesit të shënojnë privatisht komentet që nuk i pëlqejnë. Ky test përfshin një buton të vendosur pranë komenteve, duke ofruar një mënyrë diskrete për përdoruesit për të shprehur ndjenjat negative për përmbajtjen specifike. Është e rëndësishme të kuptohet se ky nuk është një buton “mospëlqimi” në kuptimin tradicional. Nuk ka asnjë raport publik të mospëlqimeve dhe askush, madje as komentuesi, nuk do të njoftohet nëse dikush përdor këtë opsion të ri të raportimit.
