Catherine Paiz, ylli i njohur i YouTube dhe Instagram, ka konfirmuar fejesën e saj me artistin e tatuazheve Igor Ten.
Lajmi emocionues vjen më pak se dy vjet pas divorcit nga ish-bashkëshorti Austin McBroom, me të cilin ishte pjesë e kanalit të famshëm “ACE Family”.
Paiz e ndau lajmin përmes një postimi në Instagram të hënën, më 1 shtator, ku publikoi një seri fotosh romantike nga momenti i fejesës.
Ajo tregoi për herë të parë unazën e saj të fejesës me diamant dhe zbuloi se planifikon të martohet shumë shpejt.
Shumë e lumtur… Shtatori është muaji kur eci drejt altarit për të kaluar përgjithmonë me ty
-shkroi Catherine në përshkrimin e fotos.
Igor Ten reagoi menjëherë në komente duke i shprehur dashurinë:
Të dua që nga momenti i parë
-ndërsa më pas rishpërndau postimin e saj në Instagram Stories duke e shoqëruar me këngën romantike “Turning Page” nga Sleeping At Last.
Romanca e çiftit u bë publike në nëntor 2024, kur Catherine postoi një foto pranë pishinës duke u përqafuar me partnerin e saj, edhe pse në atë kohë nuk e kishte zbuluar emrin e tij.
Dashuria ime…
-kishte shkruar ajo në mbishkrim.
Fejesa e saj shënon një kapitull të ri në jetën personale, pas ndarjes së bujshme nga Austin McBroom në janar 2024.
Të dy atëherë e përshkruan divorcin si një nga vendimet më të vështira të jetës së tyre, duke pranuar se “rrugët e tyre si çift kishin marrë drejtime të ndryshme”.
Tani, Catherine Paiz është gati të nisë një histori të re dashurie dhe të ecë drejt altarit me Igor Ten.
