Një studim i ri nga Universiteti i Essex-it ka zbuluar profesionet që konsiderohen më të mërzitshmet.
Sipas këtij hulumtimi, profesioni i analistit të të dhënave renditet në krye të listës, duke e cilësuar atë si një pozicion të monoton, që kërkon përkushtim ndaj numrave, përllogaritjeve dhe analizave statistikore, pa shumë mundësi për kreativitet.
Profesionet e tjera që ndodhen në këtë listë janë kontabilistët, specialistët e taksave dhe siguruesit, që gjithashtu karakterizohen nga metodologji strikte dhe mundësi të kufizuara për inovacion.
Në anën tjetër, profesionet që konsiderohen më emocionuese janë ato që përfshijnë krijimtarinë, komunikimin dhe veprimin, si gazetaria, arti, shkencat e aplikuara dhe mësimdhënia.
Ky studim nxjerr në pah rëndësinë e motivimit dhe kënaqësisë në punë për individët, që mund të shohin profesionin e tyre si një mundësi për zhvillim dhe pasion, ose si një rutinë të mërzitshme dhe pa sfida.
