Georgina Rodríguez dhe Cristiano Ronaldo, që jetojnë në Riad, Arabinë Saudite, pas kalimit të sulmuesit portugez te Al Nassr, janë detyruar të forcojnë sigurinë e familjes së tyre pas kërcënimeve dhe mesazheve të rrezikshme që kanë marrë përmes rrjeteve sociale.
Ky vendim erdhi pas ekspozimit të fëmijëve të tyre në dokumentarin “Soy Georgina”, që ka ngritur shqetësime për sigurinë e tyre.
Në fillim të vitit 2025, Georgina surprizoi ndjekësit e saj duke mbuluar fytyrat e fëmijëve në postimet e saj në rrjetet sociale, duke ruajtur kështu privatësinë e tyre.
Sipas revistës Nove Gente, çifti ka shtuar katër truproja dhe dy roje sigurie në ekipin e tyre të sigurisë, përveç atyre që kishin punësuar më parë.
Ata gjithashtu kanë ndryshuar adresën e shtëpisë, duke u vendosur në një rezidencë të siguruar me sistem të avancuar mbikëqyrjeje.
Pas 9 vitesh bashkë, Georgina dhe Cristiano besojnë se fëmijët e tyre do të rriten në një mjedis të sigurt dhe të qetë, ndërkohë që Cristiano vazhdon të shkëlqejë në fushën e futbollit dhe jashtë saj, dhe Georgina arrin sukses në çdo projekt që ndërmerr.
