Sot u luajën pesë ndeshjet e javës së fundit në Superligën e Kosovës. Dramë për Suharekën e Mirel Josës, që bie zyrtarisht nga kategoria pas sezonit që nisi me Shpëtim Duron. Sfida e fundit u barazua ndaj Ballkanit të Orges Shehit, që do të nisë aventurën europiane nga turi i dytë i Ligës së Konferencës.
Llapi fitoi ndaj Dukagjinit dhe do të luajë ndaj Vushtrisë, finalen për të mbetur në elitë. Më tej Malishevës i mjaftoi barazimi 2 me 2 ndaj Prishtinës, për të siguruar biletën në Ligën e Konferencës.
Gjilani barazoi në përballjen me Ferizajn. Drita kampione ndërkohë mposhti Feronikelin në takimin që nuk pati ndikim te renditja.
REZULTATET:
Drita 4-1 Feronikeli
Ferizaj 2-2 Gjilani
Llapi 3-1 Dukagjini
Prishtina 2-2 Malisheva
Suhareka 2-2 Ballkani
