Një ngjarje e rëndë u regjistrua në Fier, ku një foshnjë vetëm 2 muajshe u lëndua pas një zjarri të rënë në banesën e familjes. Ngjarja ndodhi në lagjen “15 Tetori” të qytetit jugor, si pasojë e një shkëndije elektrike. Ndërsa vijon hetimet, policia njofton se foshnja ndodhet nën kujdesin e mjekëve, jashtë rrezikut për jetën.
Njoftimi zyrtar i uniformave blu:
Burime zyrtare nga policia bënë me dije se specialistët për Hetimin e Krimeve të Komisariatit të Policisë Fier referuan materialet në Prokurori, për vlerësim, pasi në lagjen “15 Tetori”, dyshohet se për shkak të një shkëndije elektrike, ka rënë zjarr në banesën e shtetasit L.L., dhe për pasojë është dëmtuar një fëmijë 2 muajsh.
Foshnja ndodhet në kujdesin e mjekëve, jashtë rrezikut për jetën.
